Kaso James Murray - Darly Lai.mp4

KASO di James Murray - [Darly Lai] Fecha di krimen: 23 mei 1979 Víktima: Darly Quillan Evarista Lai, nasé dia 26 oktober 1972 (6 aña). Darly tabata bai Kokolishi kleuterschool, na Groot Kwartier. James Murray tabata tin 25 aña i tabata traha komo shòfur. Dia 23 di mei 1979, un señora yamá Hetty Victoria Dambroek a bai buska Darly for di trempan for di skol, ku e preteksto ku el a hasi su mama un fabor di bin buska Darly pa hib'e dokter. Despues di skol, na momento ku un tanchi di Darly a bin pa busk'e for di skol, a bin resulta ku na ningún momento so Darly no mester a bai dokter. Aki a alertá polis mesora, i e buskeda pa Darly a kuminsá. Mas atardi, e mesun dia aki, Hetty Dambroek a identifiká i entregá su mes komo e persona ku a bai buska Darly for di skol. El a konfesa tambe ku ta un fabor el a hasi pa un tal James Murray. Den oranan mas lat di anochi, a logra detené James Clifton Murray di 25 aña, nasé na Aruba. Na promé instante, James a ninga di tin algu ke haber ku e desaparishon di Darly Lai, pero e siguiente mainta el a atmití tur kos. Segun instrukshon di Murray, polisnan a logra haña e kurpa di Darly, den e mondi na parti oost di Hato. Na e momento ei, e kurpa di e kriatura ya kaba tabta den estado di dekomposishon, i tabata mustra señal di choká, i tambe diferente señal di hinká na entre otro garganta, sintura i barika. No masha leu for di e esena kruel aki, polisnan a logra konfiská e kuchú ku probablemente James Murray a usa pa kometé e krimen aki. Motibu prinsipal di e krimen aki tabata venganza di James Murray, kontra di un tanchi di Darly kende a pone un fin na su relashon ku Murray. TRATAMENTU KASO JAMES MURRAY POSPONE PA 6 DI SEPTEMBER BENIDERO Despues di a elaborá riba vários aspekto, e tribunal a stipulá dia 6 di sèptèmber benidero komo dia ku lo kontinuá ku tratamentu di evaluashon pa libertat kondishonal pa James Murray. Nota: Presentashon i narashon, Favell Maduro. Entrevistanan kondusi pa, Miriam Sluis, Sheila Alberto i Favell Maduro. Investigashon di e historia, kortenan di korant, a ser hasi pa e rumannan Julliciënne i Janilaysa Sophia. Kamera i Montahe, Rudy F. Haakmat, Image Productions. Un produkshon di Fundashon Bos di Hubentut.