{حدوتة عربية}(47) نهاية الإمبراطورية البريطانية

سنة الحياة.. ان كل حاجة.. بيبقى ليها زهوة.. عمرها مابتكمل أبدا.. لازم بعد ماتوصل للقمة.. تبدأ تنحدر.. و ده اللي حصل مع بريطانيا العظمى في العالم العربي بالظبط.. عارف سنة 1918؟ الحرب العالمية الأولى كانت لسة خلصانة.. و بريطانيا كانت طالعة من الحرب نافشة ريشها ع الآخر.. يا أرض اتهدي ماعليكي قدي.. طالعة منتصرة.. و بلعت الشرق الأرسط في كرشها.. من مصر لحد العراق.. و من البحر المتوسط لغاية الخليج العربي.. كانوا مسميين نفسهم "The Unrivaled Masters". يعني سادة العالم اللي لا قبلهم ولا بعدهم.. خرطهم الخراط و اتمدد مات.. في الوقت ده، المواطن العربي البسيط كان بيبص للإنجليز بنظرة غريبة شوية.. كانت الrelationship كومبليتيد شوية.. يعني هو مش طايقهم.. و ده طبيعي.. ما حدش هايحب محتل أجنبي جاي قاعد في أرضه و بيحكمه غصب.. بس في نفس الوقت.. كان معجب و مبهور بيهم.. اللي هو نظام جتك داهية و انت زي العسل كده! اشمعنى يعني؟… عارف لما مديرك في الشغل يبقى رخم وتنين مجنح، بس شاطر؟ أهو ده كان الوضع. الإنجليز كانوا منظمين، دقيقين، عندهم تكنولوجيا، وعساكرهم منطبطين و ماشيين بالمسطرة. تحسهم روبوتات لابسة كاكي. كان عندهم "كفاءة" عالية جدا.. و بيشتغلوا زي المكن.. بس.. الكفاءة العالية دي.. فشلت انها تصد قصاد الشعوب العربية في النهاية.. مقاومة الشعوب ما وقفتش أبدا.. من أول شغل السياسة و الدبلوماسية.. مرورا بالمظاهرات.. لغاية ما وصلنا للمقاومة بالسلاح.. الشعوب العربية لففت الانجليز حوالين نفسهم في العراق، و فلسطين، مصر.. و خلوهم كل شوية يضطروا يقدموا تنازل و ينخوا قدام الشعوب.. و مع كل تنازل.. كانت هيبتهم في عيون الناس بتقل شوية.. و كل ما هيبتهم تقل.. الناس تتجرأ عليهم أكتر.. بس طول ما اللعب بين الانجليز و الشعوب بس.. كانت الدنيا مقدور عليها برضه.. لكن لما يدخل على خشبة المسرح Villain جديد.. المعادلة بتختلف تماما.. ايه العنصر الجديد اللي ظهر على ساحة الأحداث و كان زي القشة اللي قصمت ظهر الانجليز؟ الفاشية.. البعبع الحقيقي اللي ظهر في أوروبا.. هتلر في ألمانيا وموسوليني في إيطاليا. للدعم على Patreon :   / ahmedbehiry   اشترك في القناة الرسمية على تليجرام: https://t.me/ABehiry الصفحة الرسمية لاحمد بحيري علي الفيسبوك   / أحمد-بحيري-ahmed-behiry-109415711865636   الصفحة الرسمية علي تويتر   / ahmedbehiry   اشترك في القناة لمتابعة الحلقات الجديدة http://goo.gl/2KheJZ المصادر: أعلم أهل الأرض داباليو داباليو داباليو دوط قووقل دوط قوم http://www.قooقle.com