दडपे पोहे !

साहित्य :- पातळ पोहे (जितकी माणसे खाणारी तितक्यामुठी वर 1/2 मुठी जास्त ) 1/2वाटी शेंगदाणे  1 वाटी वा थोडा  जास्त  खोवलेला नारळ  १ /2 वाटी बारीक चिरलेला कांदा (ऐच्छिक) 1/2 वाटी टोम्याटो (ऐच्छिक) 4/5 हिरव्या मिरच्या बारीक तुकडे करून 2 टेबल स्पून लिंबाचा रस  थोड़ी कोथिंबीर बारीक चिरून  फोडणीचे साहित्य - मोहरी, जिरे, हिंग,  (उडीद डाळ, हळद, तेल  मीठ चवीनुसार  कढीपत्ता  कृती :- अगोदर  पराती मध्ये पातळ पोहे चाळून घेणे.  नारळ फोडून त्याचे पाणी चांगले असेल तर पोह्यांवर टाकून ते त्यात भिजवून घेणे. किंवा ते सर्व पाणी पोह्यांवर घालणे.  बारीक चिरलेला कांदा, कोथिंबीर, नारळ, टोम्याटो मिक्स करणे.  २ टीस्पून अथवा चवीनुसार मीठ व साखर टाकणे.  कढई/पळी मध्ये तेल टाकून शेंगदाणे तळून त्यावर थोडे मीठ ,तिखट भुरभुरावे. मोहरी,जीरे,हळद,हींग, उडीद डाळ, मिरची, कढीपत्ता  टाकून फोडणी करावी. फोडणी गार झाल्यावर पोह्यांवर ओतून सर्व पोहे कालवून घ्यावेत.  त्यावर झाकण ठेवून 5मिनिट दडपून ठेवावेत.  दडपून ठेवल्यामुळे त्याला दडपे पोहे नाव पडले.  सकाळी नाष्ट्याला करायचे असतील तर काकडी किसून /चिरून घालावी.  शरीराला चांगली असतें.  या पोह्यांसोबत उसाचा रस व आलेपाक सुद्धा खातात.