{تعاشب شاي}(653) الذكر ع الناشف!

الشيخ اسامة الازهري، من الاسماء اللي ظهرت فجأة على الساحة الدينية في اخر كام سنة من عصر مبارك ، في إطار محاولة الدولة لإبراز وجوه دينية جديدة من المؤسسة الرسمية، اللي هي الازهر ، في مواجهة الدعاة الكتير قوي اللي كانوا بيظهروا في القنوات الدينية، اللي كان اغلبها بيشرف عليها مشايخ من الاخوان و السلفيين .و الراجل كان حضوره هادي وكلامه في العموميات عادة ، بالذات لما كان بيتكلم عن الحضارة الاسلامية و انتشار الاسلام و جوانب الحكمة الالهية في حاجات كتير ، و مساحات الوعظ التقليدي اللي بيحبها جمهور التليفزيون . بس كان واضح جدا المسحة الصوفية في كلامه دايما ، و كان واضح انه ابن الدولة و جاي من مدرستها الدينية التقليدية و بيحمل خطابها . بعد ثورة يناير ، ظهر الدكتور اسامة السيد الازهري في ثوب مختلف شوية . اصبح واضح انه اكثر انحيازا للدولة ، على طريق استاذه الشيخ علي جمعة اللي اعلن بوضوح انه ضد الثورة و مع الدولة . بعد انقلاب 3 يوليو بقى ، الشيخ اسامة الازهري بقى حد مختلف تماما. الراجل مش بس استمر كابن للدولة و حامل لخطابها . لا . ده بقى هو ذات نفسه من رجال الدولة . و تفوق على شيخه و استاذه على جمعه ، و حقق اللي جمعة معرفش يحققه ، و اصبح المستشار الديني للسيسي ! تخيل..! يعني الاراء الدينية الغريبة اللي السيسي بيعلنها و يطلع يدافع عنها دي ، طالعة – المفروض يعني – بعد استشارة و تنسيق مع شيخ المفترض انه بينتمي للأزهر ! و الغريب ان الاراء دي، اللي السيسي اتعود انه يتحفنا بيها كل فترة.. زي رؤيته لتجديد الخطاب الديني، و زي رفض الطلاق الشفوي ، وزي الهجوم على المليار ونص مليار مسلم واتهامهم بالارهاب ، و غيره و غيره.. ، الاراء دي اللي تصدى ليها برضه و رد عليها شيخ الازهر ذات نفسه . و اسامة الازهري طبعا مكنش يقدر يعلق على كلام شيخ الازهر ! الآراء دي المفروض انها تمت بالتنسيق مع المستشار الديني.. أو من إيحاؤه.. من كام يوم ، اسامة الازهري قالك هو انا هاقعد مستخبي ورا الاراء اللي بيقولها السيسي و بيرفضها شيخ الازهر ، هو انا صغير ؟! طب ما انا كمان ممكن اتحف الناس بكلام غريب! و عنها و ماصدق .. و في اول فرصة ، اتحفنا برأي غريب يخالف حتى اساس الاسلام نفسه ! اسامة الازهري ، واحدة من متابعيه طلبت منه " اذن بالذكر" بأحد اسماء الله الحسنى ! الشيخ اسامة طبعا مكدبش خبر.. و قالها روحي يا بنتي وانت معاك اذني بذكر الله.. اللي ربنا سبحانه و تعالى اصلا من فوق سبع سنوات امر الناس بيه من غير وسيط و لا رقيب ! و الدنيا قامت .. و جدل كبير .. الشيخ اسامة مش يسكت؟ .. لا! .. ده طلع يدافع عن الرأي الشاذ جدا ده .. مش بس كده ! لأ ده خلى الكلام الغريب ده من اصل الدين ! و على ايد الشيخ اسامة الازهري ، بقى الاسلام اللي مبيعترفش بأي واسطة او اذن بين العبد وربه ، جزء منه ان الانسان ياخد اذن عشان يذكر ربنا ! للدعم على Patreon :   / ahmedbehiry   اشترك في القناة الرسمية على تليجرام: https://t.me/ABehiry الصفحة الرسمية لاحمد بحيري علي الفيسبوك   / ahmed.behiry.the.page   الصفحة الرسمية علي تويتر   / ahmedbehiry   اشترك في القناة لمتابعة الحلقات الجديدة http://goo.gl/2KheJZ المصادر : عن حساب الجمّل https://bit.ly/3pIDrRP أسامة الأزهري ينتقد ابن تيمية    • الشيخ د.أسامة الأزهري لـ 24: أطروحة ابن تي...   بوست أسامة الأزهري الذي أثار الجدل https://bit.ly/3wgFT4r الإذن بالذكر ، و ترويج الخرافة https://bit.ly/3izmQyr