شيله مثلث براموده ، ناصر بطيان مهداه : انور معلث راع المليحا اداء جزاع المري .

انا لي سنه واكثر بعد من ثلاث شهور وجو الشعر ماني على جوه وموده تنطحت نسناس الهبايب وصدري بور وفهقت الشماغ من استوى خط ساموده تدور الهجوس وفوق راسي السحاب يدور مثل ما يدوّر الغيم فـ ابها و فالسوده لاغنيت ياشعار اخذو الدبل والفور وطيبكم اللي لا جتهد ضاع مجهوده كبير الشواعير ان حضرت يغدي مكبور وجودي لحال يزيله ويلغي وجوده مادام الخلافه عند ابو جعفر المنصور محد بيتعدا حد واحد من حدوده اصب البيوت يلين ماتذهل الجمهور تعلى بالابداع وتجي عاليه جوده لاجا اسمي بها في قوة أسم وبقو حضور من المستحيل انها من الدخل محدوده وفالمحفل اللي فيه شعري مهو معذور ابنفض غبار الفكر وأحرّر قيوده هذا انور إبن معلث هذا فزعه المقهور هذا اللي يجودون الرياجيل من جوده رفيقي وابن عمي لاجا فالامور امور حميد السجايا اللي مساعيه محموده طويل الذراع اللي يبور الزمن مايبور ليا من وعد فاللازمه ماخلف وعوده ملاذ الضعيف وجابر الخاطر المكسور هو اللي قدح راسه قبل تقدح زنوده بعيد النظر والشوف ماهو قصيّر سور الامال في مثله وشرواه معقوده لو الله جعل دخله مثل دخل راس الزور يروح لجميلً مايدوّر لمردوده نسل عودن يذري ظلاله نهار الجور يوم ان الفقر فالناس دب وقوى عوده وراع المليحا مثل ذكر الحيا مذكور ولو غاب بصماته لهالحين موجوده وانور حزام ودرع جنب ومافيه قصور تسند عليه امورك وتكفي سنوده جبيريً يسوي من المستحيل جسور يكود الرجال المستحيل ومهو يكوده وربعه مهامزه السعد مجدها محفور بصدر الفخر فالوقت ذا وسالف عهوده وساع الطعون و للرفاقه وساع صدور حجا الصاحب اليا حده الوقت وعضوده مقادم هل الكفه هل البيرق المشهور بطولاتهم تذكر ولاهيب مجحوده تشوّش على صوت العزاوي بدون شعور لاقام الرصاص يثور ملحه وباروده بني عمي اللي أشد واصمل من الشرشور لاصار الزمن متساويه بيضه وسوده عثو فالعدا وصارت بيوت الخصوم قبور واذا ماخذو عمر العقيد أخذو ذوده بني عبس وضع اللي قرب حدنا مخطور مثلث خطر ماهو مثلث براموده مواقيفنا تليّن جبال وتفت صخور وتاريخنا يزود التواريخ في زوده تعرف الاعادي فعولنا لاحتمى الطابور مثل مايعرف ابن ادم اباه وجدوده واسم الرشيدي ما يخلي للاسماء دور وكلمه نعم ما تارد الا على عدوده