KILICHOTOKEA LEO KESI YA MAUAJI YA ASIMWE, MAHAKAMA YAKOSA MAJIBU YA VIPIMO

Kesi ya mauaji ya mtoto mwenye ualbino, Asimwe Novath iliyokuwa isikilizwe leo Desemba 11 imesogezwa hadi Februari 17, 2025 baada ya Mahakama kukosa majibu ya vipimo vya mshtakiwa namba moja, Padri Elipidius Rwegoshora. Padre Rwegoshora alipelekwa Gereza Kuu la Isanga mkoani Dodoma kupimwa afya ya akili tangu Oktoba 25, 2024. Kesi hiyo namba 25513/2024 inayowakabili washtakiwa tisa iliitwa leo Desemba 11, 2024 kwa ajili ya kusikilizwa, imeshindwa kuendelea baada ya Jaji wa Mahakama Kuu Kanda ya Bukoba, Emmanuel Ng'igwana kusema hajapokea majibu ya vipimo vya mshatakiwa huyo. Soma zaidi katika tovuti ya Mwananchi