Alaaf Airlines - Duit Ali ut express? (FINALIST LVK 2020 - Winnaar P&M Liedjesfestival 2020)

Alaaf Airlines - Duit Ali ut express? Tekst & muziek: Alaaf Airlines Arrangement: Ronald Moonen (Studio Difference Weert) Winnaar van de liedjesaovend van CV De Dörper Kuus, finalist LVK 2020 en winnaar van het P&M Liedjesfestival 2020. #LVK #LVK2020 #vastelaovend #Helden #PenMLiedjesfestival Koeplet 1 Kóntainers kraom die drieve op de oceaan, in polonais oet China gans op Limburg aan. Waor winkelkerkes grei waere bestild, en dan zenewechtig waeke aafgetild. Is det jeske neet te klein, of dae petticoat te wied, kumpt det pruukske of dae hood nog wel op tied? De vraog is kinne wae gaon houwe op die kis, of hebbe wae de boeët gemis? Refrein Duit Ali ut express? Waeke wachte in de stress! Want kumpt dae Ali neet, is vastelaovend neet kómpleet. Duit Ali ut express? Ut deurt nou al un waek of zes! Kumpt alles binne vur die daag, is ut gedaon mit ut geklaag. Dan gaeve wae Ali un medalie, is vastelaovend gans gesjlaagd! Koeplet 2 De pletjes op die site drejdöbbeldiek gecheckt, de kleur is good en ut petroeën det liekt perfect. Mer dae wiesnaas oet ut oeëste hult gin maot, zelfs de centimaeter wit zich ginne raod. Toch mer oppe bónnefooi de bestillinge gefiks, mit gin centje pien, bej Ali kost ut niks! De vraog is waere al os winse waorgemakt, of zien wae bej de puët gepakt? Refrein Brök Vriedigmerge geit de bel, dae kammeraod van PosNL. Mit det roeëd-gael-greun peket, wört ut vief daag supervet. Wae zien gered! Refrein Duit Ali ut express? Waeke wachte in de stress! Want kumpt dae Ali neet, is vastelaovend neet kómpleet. Duit Ali ut express? Ut deurde wel un waek of zes! De buit is binne vur die daag, ut is gedaon mit ut geklaag. Nou gaeve wae Ali un medalie, is vastelaovend gans gesjlaagd!