Historia e transgjinorit Luana, u lidh me femer per shkak te paragjykimeve

Të njohësh vetven në pikën më të thellë, duke mposhtur çdo dilemë dhe pasiguri është pa diskutim një nga fitoret e dilemave më të mëdha të njeriut. Por të sfidosh paragjykimet, duke e pranuar të vërtetën e asaj çfarë ndjen dhe përfaqëson, duke u përballur me çdo paragjykim social, kjo duket se është sfida më e madhe e shoqërisë. E tillë ka qenë edhe historia në emisionin Historia ime në Tv Klan, një rrëfim i sinqertë dhe i pazakontë, i një të riu transgjinor i quajtur Ersind Myrtollari/Luana, i cili ka vendosur të bindë cilindo që ka ende gjykime dhe skepticizëm ndaj njerëzve që përfaqësojnë këtë komunitet. Mirela Milori: Kur fillove të kuptojë që nuk të pëlqejnë vetëm gjërat e gocave por ishte diçka më shumë? Luana: Që në fëmijëri jam lyer, veshur, gjithmonë jam sjellë si femër në shtëpi se doja të më trajtonin si femër. Edhe në shoqëri doja të më shihnin si femër. Nuk prekesha nëse dikush më thoshte që ti ngjan si femër sepse ajo ishte dëshira ime. Por e kuptova mirë fare kur fillova të krijoja fobi për njerëz që janë si unë. Domethënë kur unë isha në moshën 13 vjeç, unë e kuptova vërtet që isha ndryshe dhe isha femër brenda vetes dhe nuk mund ta fshija më. Mirela Milori: Si e kuptove këtë? Luana: E kuptova se ti je rritur gjithmonë me atë idenë që ti je një femër dhe në momentin që ti përballesh me pubertetin, me ndryshimin në trup, me daljen e qimeve, aty fillon ta urresh pak veten dhe të bëhesh pak konfuz për atë që po ndodh. Ti je mësuar me idenë që je femër dhe pastaj kupton se je një mashkull. I thoja vetes femër sepse edhe trajtimi nga të tjerët ishte sikur unë të isha një femër. Mirela Milori: Ti duhet të silleshe para vajzave si një burrë, si ishte ky raporti? Luana: Ishte pak e vështirë sepse në periudhën e gjimnazit unë e pranova veten, por vendosa ta fsheh veten, sepse ose do sakrifikoja gjimnazin ose ndryshe do bëje jetën që doje. Kështu që unë u maskova nën petkun e një mashkulli dhe aty e provova vërtet ndjesinë e të qenit mashkull sepse kisha dhe ngacmime nga vajzat në shkollë, afroheshin, kërkonin për t’u lidhur dhe thjesht i refuzoja me stil, aktroja gjatë gjithë kohës. Mirela Milori: Ke patur të dashur femër? Luana: Kam pasur kur punoja në televizion sa për sy. Unë mora goxha famë kur isha në televizion, kështu që vendosa të mbrohesha pak nga thumbat e para. Mirela Milori: Si ishte raporti me atë vajzën? Luana: Ajo e kuptonte, por mbase i pëlqente thjesht të rinte me mua, ndoshta kisha dhe popullaritet në qytetin e Elbasanit dhe asaj i pëlqente kjo gjë. Unë nuk kam ndjesi për femra dhe nuk kam si ta bëj aktin dhe nuk di si të reagoj, sikletosem menjëherë. #HistoriaIme Programi vjen nën drejtimin e Mirela Milorit, gazetares së njohur që na ka përcjellë informacione mbrëmjeve tona përgjatë 20 viteve, dhe rikthehet në #TvKlan, si moderatore dhe bashkëautore e këtij emisioni. #MirelaMilori SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/