Bağçada rahat yer (1978) - qısametrajlı film

12+ Filmin qəhrəmanı şəhərin məşhur bərbəri Məmmədəlidir (Həsən Məmmədov). O, öz peşəsinin vurğunudur. Onun müştəriləri məmurlar, məşhur adamlardır. Xaraktercə zarafatcıl, yumşaq adam olan Məmmədəlinin arvadıyla (Ofeliya Məmmədzadə) münasibətləri çətindir. Onun arvadı müəllimədir, meşşan təbiətli qadındır, ərinin peşəsinə də aşağılayıcı münasibət bəsləyir... Arvadı, böyük oğlu Məmmədəliyə etinasız yanaşsa da, o bunu faciəyə çevirmir, əksinə anlayışlı olmağa çalışır. Və onun sevgisi peşəsinə də, ailəsinə də yetir. Hətta on altı yaşlı oğlu atasından ad günündə evdən getməsini, dostlarıyla tək qalmaq istədiyini xahiş edəndə belə o bunu anlayışla qarşılayır. Ani məyusluqla yanaşsa da. Rejissor: Ziyafət Abbasov Ssenari müəllifi: Maqsud İbrahimbəyov Operator: Teyyub Axundov Bəstəkar: Adil Bəbirov Rollarda: Həsən Məmmədov, Ofeliya Məmmədzadə, Şamil Süleymanov, İlham Namiq Kamal, Daşqın Turabov, Elxan Cəfərov