Maqedonia pas zgjedhjeve, BDI e Ali Ahmetit pritet të jetë pjesë e qeverisë - (17 Shtator 2002)

Lajme Arkiva - TV Klan 2002 Në Maqedoni, megjithëse partitë fituese nuk kanë nisur ende bisedimet konkrete për qeverinë e re të Republikës Jugosllave, të dyja palët kanë filluar të flasin për strukturën e saj. Lideri i Partisë Bashkimi Demokratik për Integrim Ali Ahmeti është shprehur dy ditë pas zhvillimit të zgjedhjeve parlamentare në Maqedoni, se ende nuk ka zhvilluar biseda zyrtare me Partinë e Bashkimit Socialdemokrat për qeverisjen. Sipas Ali Ahmetit, të dyja palët fituese janë ende duke festuar. Ai ka thënë gjithashtu, se ka përgatitur platformën për qeverinë, e cila mbështetet në zbatimin e plotë të marrëveshjes së Ohrit dhe integrimin e Maqedonisë në strukturat euroatlantike. Edhe këshilltari i presidentit maqedonas Boris Trajkovski tha, se mbajtja larg e kësaj partie do të ishte një gabim strategjik. Ka ardhur koha ka deklaruar ai që anëtarët e PBDI të marrin pjesë në institucione. Ndërsa udhëheqësi i opozitës, tashmë fitues i zgjedhjeve parlamentare, Branko Cervenkovski, ka premtuar pas shpalljes së rezultateve se do të punojë me dëshirë e vullnet në punët e vështira që e presin. Ndërkohë gjatë natës situata nuk ka qenë e qetë në Tetovë dhe fshatrat rreth saj. Po sipas agjencisë zyrtare të lajmeve maqedonase janë dëgjuar të shtëna, të shoqëruara këto dhe me një shpërthim në juglindje të qytetit./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/