كرامة الإنسان | لآصار ماعندك كرامه كيف عندك مرجله ؟ | اسامه الجامعي & منير البقمي || حصرياً 2025

بعد استراق السمع والليل العتيم وماحواه سرتني الذكرى ل دربٍ كلنا مانجهله بين الظلام وشدة الماضي و خط الاشتباه اقول دام القادم اجمل كل شي انجمله يوم اتفكر فالليال السود واصدوف الحياه اقول عند الله ماضاع لعبد قدر الانمله احذف خلافي كل همٍ يبتدي من منتهاه واقدم بقلبٍ صامل وعزمٍ يزلزل زلزله امشي على دربي واخالف من يعكس الاتجاه يم اتجاهي يتجه حتى اتجاه البوصله والرجل لامنه طمع في شي ماهو في يداه يتعب ويشقى مافرح في حاجةٍ ماهي ب اله ماكنه الا واحدٍ شاف العزاير من ضماه ويطرد سرابٍ لو ياخذ له سنه مايوصله ارضى بمقسوم الولي والعبد كان الله عطاه لايطمع ارزاق العباد الي من الله مرسله والي حمد ربه يبا يلقى بعد فقره غناه الله يجازي كل عبدٍ في حياته ب اعمله والي مايشكر نعمة المعبود بعد الخير جاه يصير حاله مثل حال العالم المتسوله والرجل لامن ذل نفسه ماهو محصل رضاه ماهو محصل غير ناسٍ فالردى تستعمله كرامة الانسان مبدا يفرقه عن من سواه لاصار ماعندك كرامه كيف عندك مرجله ؟ خلك عزيزٍ لاوقف كل العرب تاقف وراه واليا هرج يصبح كلامه مثل ضرب الامثله لاتصبح الي لاهرج ينشب لسانه في جماه اقدم براسٍ ماهاب وكل ماعندك قله والوصل طيب امعامله لكن من ايبين جفاه والله مادور منه وصل وخله يروح لهله والله ياوصله ماهو بفرضٍ مثل فرض الصلاه ووصله مهو وصل وصيل الي نقدر مدهله ياوصل ليل الشعر والافكار لاذعذع هواه معاد اعاين فالرياح المجنبه والمشمله في سد وجهي ل انتقي عصماً تشد الانتباه تخلي العالم تقول ان اعذب الشعر اجزله انت الرفيق الي ليا من قال له علمٍ حماه وانت الحزام الي يسد النوب وقت المعضله وانت الشجيع الي فعوله تكسر اعيون الطغاه ياليت منك انسان ثاني مير وين انحصله لا عقدت الارياء وجانا وصل ماشاء الله علاه ياكم رايٍ قد تعقد جاه وصل وحلحله اليا نصيته فاللزوم ابشر بكل الي تباه لامن هبد صدره وقال انسى لزومك وازهله مده يعيش من غزاه الفقر في قصر الغناه من بعد مدة كم رجلٍ قد ضمن مستقبله ناجب شجيعٍ كاسب اعلوم المراجل من صباه الراس مصدر للحمايا والفعول امجمله ابن وصل معروف طيبه بين ربعه واخوياه كل العرب تذكر مواقيفه وفعلٍ يفعله اسمه يحط امع الرموز الي من ادهاة الدهاه من قبل تعليق الرتب واسمه رفيع المنزله ذخر الشيوخ اهل الشداد وقبلة المدح ومناه ذوي شعوف اشدادهم بين ولا احدٍ يجهله اشيوخ اشده يوم كلٍ ماجهلنا مستواه من وقت شيخة تركي ابن احميد وابن قرمله روس الجوامع صيتهم بالمفخره يصدح صداه وصيت الجوامع يعطي التاريخ صوره مذهله يطول راسي بالفخر واطاول البدر بسماه ويمكن لاشفت البدر من عالي سماه انزله لاقالو انته جامعي قلت ايييه يا مال الغناه انا احمد الله من قبيله كاسبين الاوله فعل الجوامع يتعب التاريخ والسنت الرواه فعلٍ يشدد قايد اصفوف العدا من معقله من يزعله مدح الجوامع ماني امدور رضاه والله مايفرق عند ابن عابد رضاه امن ازعله