EXCLUSIVE KISAUKE: Cheki jinsi Mwalimu Debora anavyotumia muziki kutengeneza 'A' somo la Kiswahili

Zamani kulikuwa na msemo ualimu ni wito, sasa hivi umepoteza maana kidogo kwa kuwa wengi wanakimbilia kwenye fani hiyo ili mkono uweze kwenda kinywani. Msemo wa ualimu ni wito unabeba ujumbe mzito kwa walimu ukieleza namna ambavyo kazi hiyo inavyotakiwa kufanywa na mtu anayeguswa na yuko tayari kufanya kila linalowezekana kuhakikisha anatimiza jukumu lake kwa ufanisi. Kwa sasa walimu wenye kariba ya aina hii wapo wachache na miongoni mwao ni Debora Nyanja. Huyu ni mwalimu wa sekondari ya Kisauke iliyopo Goba jijini Dar es Salaam ambaye ameweza kutoka nje ya boksi na kutafuta namna rahisi ya kufundisha ili wanafunzi wamuelewe na kufaulu somo lake.