Monsoon 2026 : ચોમાસું ગુજરાત નજીક ક્યારે પહોંચશે? શું છે આગાહી?

#gujarat #weather #monsoon2026 ચોમાસું હાલ અરબી સમુદ્રમાં પહોંચી ગયું છે અને ત્રણ દિવસ બાદ હવે ફરીથી ચોમાસાએ પ્રગતિ કરી છે. હવામાન વિભાગના જણાવ્યા પ્રમાણે ચોમાસું અરબી સમુદ્ર, લક્ષદ્વીપ તથા બંગાળની ખાડીના કેટલાક વધારે વિસ્તારો સુધી પહોંચી ગયું છે. જોકે, જ્યાં સુધી કેરળમાં ચોમાસાની શરૂઆત ના થાય ત્યાં સુધી ભારતમાં ચોમાસાનું આગમાન થયું ગણાતું નથી. હવામાન વિભાગે આ પહેલાં 26 મેના રોજ ચોમાસું કેરળમાં પહોંચે તેવું પૂર્વાનુમાન કર્યું હતું. જોકે, જેમાં 4 દિવસની મૉડલ ત્રુટી રાખવામાં આવી હતી. કેરળમાં ચોમાસાની શરૂઆતની સામાન્ય તારીખ 1 જૂન છે. એટલે કે ત્યાં સુધીમાં ચોમાસું શરૂ થઈ જાય તો તેને મોડું ગણાતું નથી. હાલની સ્થિતિ પ્રમાણે ચોમાસું આગળ વધે તેવી અનુકૂળ પરિસ્થિતિઓ છે પરંતુ તે કેરળમાં જલદી જ પહોંચી જાય તેવી સ્થિતિ દેખાતી નથી. જેથી ભારતમાં ચોમાસું શરૂ થવાને હજી કદાચ થોડો સમય લાગી શકે છે, કેરળમાં ચોમાસું શરૂ થયા બાદ જ કે તેની સાથે જ ચોમાસું બીજાં રાજ્યોમાં પહોંચવાની જાહેરાત કરવામાં આવે છે. ગુજરાતમાં ચોમાસું શરૂ થવાની અધિકારિક તારીખ 15 જૂન છે પરંતુ આ વર્ષે હાલની સ્થિતિ પ્રમાણે રાજ્યમાં ચોમાસું પહોંચે એ પહેલાં જ વરસાદ થવાની શક્યતા છે. હવામાન વિભાગે કરેલી આગાહી પ્રમાણે 30 મેની આસપાસ ગુજરાતમાં હવામાન પલટાશે અને ઉનાળાની ગરમી બાદ હવે ચોમાસાનો માહોલ સર્જાશે. જે બાદ કેટલાક વિસ્તારોમાં વરસાદની શરૂઆત થશે. વીડિયો : દીપક ચુડાસમા ઍડિટ : અવધ જાની આવો જાણીએ કયા કયા વિસ્તારોમાં ક્યારે ચોમાસા પહેલાં વરસાદ પડી શકે છે? બીબીસી ન્યૂઝ ગુજરાતી સાથે વૉટ્સઍપ પર જોડાવા લિંક પર ક્લિક કરો https://whatsapp.com/channel/0029Vaaw... Privacy Notice : https://www.bbc.com/gujarati/articles... તમે અમારી સાથે જોડાઈ શકો છો : Website : https://www.bbc.com/gujarati​ Facebook : https://bit.ly/2nRrazj​ Instagram : https://bit.ly/2oE5W7S​ Twitter : https://bit.ly/2oLSi2r​ JioChat Channel : BBC Gujarati ShareChat : bbcnewsgujarati