"Atë natë iku dhe u kthye në jetë", Ema Andrea ndan tre momentet më të lumtura të jetës

Ajo është artiste, aktore shumë e dashur për publikun shqiptar, një grua e bukur, e guximshme, një njeri i lirë, në kuptimin e plotë të fjalës, duke mos kursyer të përcjellë zërin dhe të vërtetat e saj shpesh dhe kontroverse ndaj sistemit apo realitetit, pa bërë kompromise dhe duke mos iu trembur gjërave që vërtet mendon, i pranojnë apo jo të tjerët. Ema Andrea ishte e ftuar këtë të premte në emisionin “Rudina” në Tv Klan, ku ka ndarë me të gjithë tre momentet më të lumtura të jetës së saj. Rudina Magjistari: Cilat janë tre ngjarjet më të lumtura? Ardhja në jetë e vajzës sime, unë e shijoj Sarën çdo ditë dhe i jam mirënjohëse Zotit që e ka sjellë në jetën time. Ajo më ka rritur, më ka dhënë forcë. Ajo është një individ që mua më merr malli sa herë që dal nga dera, se është një qytetarë dhe një individ i bukur. Jam krenare që ajo më ka zgjedhur mua për nënë, absolutisht është ngjarja më e bukur dhe fati miq i madh që kam në jetë. Rudina Magjistari: Momenti tjetër? Ema Andrea: Momenti tjetër që i ka të dyja bashkë. Ka qenë një moment, që prapë i rrotulloi universi gjërat që të isha pranë tim vëllai dhe më thotë, “të lutem shkojmë dy minuta në poliklinikë se nuk po ndihem mirë”. Gjë e rrallë, por kjo është lidhja që kanë binjakët me njëri-tjetrin. Për fat ne shkojmë në klinikë dhe im vëlla atë natë iku dhe u kthye në jetë. sepse kishte një trombozë që u kap në sekondë nga mjekët. Kur kam parë ata që vraponin... ka qenë një natë që zgjodha ta kaloj vetëm, kam qenë një njeri prej guri deri në orën 7 e gjysmë të mëngjesit. E kam dhuratë prapë tim vëlla. Ka qenë një zgjim i lumtur i jetës sime, një nga ato momente që kanë bërë mirënjohëse për atë që kam. Jam me fat për motrën dhe vëllain tim. Unë e kam jetën shumë të bukur. Nuk e kam jetën rutinë. Kam një jetë shumë të bukur, vlerësoj qoftë edhe një person që më ndalon në rrugë për të më dhënë dorën. Unë jam me fat dhe jam shumë e lumtur për këtë dhe jam krenare që ia kam dal edhe nesër po të iki nga kjo jetë besoj se diçka e kam lënë. Ndërkohë Ema ndau edhe suksesin më të rëndësishëm të cilën e ka konsideruar si sfidën më të rëndësishme të karrierës së saj. Ema Andrea: Çmimi aktorja më e mirë në festivalin alternativ ndërkombëtar në Malin e Zi. Një çmim i cili nuk ka rëndësi përflitet apo jo, por e më ka bërë krenare për rrugën që kam zgjedhur, sepse kam marrë çmimin aktorja më e mirë në një festival ndërkombëtar të alternativës, dhe vij nga një vend ku alternativa nuk ekziston. Është një rezistencë personale e cila është kurorëzuar me një çmim të një festivali 36-vjeçar në ato vite të një shfaqje që e prodhova vetë./tvklan.al #Rudina, një program nga autorja dhe moderatorja #RudinaMagjistari, një prej emisioneve më të ndjekur dhe të dashur për publikun duke ofruar tema të larmishme për të gjithë familjen. SUBSCRIBE to “RTV KLAN” on YouTube for more videos! #ema andrea Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/