មាសឡើងថ្លៃវិញ ជិត ៥០០០ដុល្លារ ក្នុង ១តម្លឹង តែទីផ្សារទិញ-លក់ មិនទាន់មានសន្ទុះ

អាជីវករលក់មាស និងផ្លាកទីន នៅផ្សារធំថ្មី រាជធានីភ្នំពេញ បានឱ្យដឹងថា ហាងឆេងមាស គិតត្រឹមម៉ោង ៤រសៀល ថ្ងៃទី២៣ ខែកក្កដា ឆ្នាំ២០២៦ បានកើនឡើងដល់ ៤៩៤៥ ដុល្លារ ក្នុងមួយតម្លឹង។ ទោះបីតម្លៃមាសងើបឡើងវិញក៏ដោយ សកម្មភាពទិញ-លក់នៅលើទីផ្សារនៅតែមានសភាពស្ងប់ស្ងាត់ ដោយសារតម្លៃមាសប្រែប្រួលញឹកញាប់ ធ្វើឱ្យអតិថិជនភាគច្រើននៅរង់ចាំ និងប្រុងប្រយ័ត្នក្នុងការសម្រេចចិត្តទិញ ឬលក់។ គួរបញ្ជាក់ថា ហាងឆេងមាសអន្តរជាតិបានហក់ឡើងវិញជិត ៥០០០ ដុល្លារ ក្នុងមួយតម្លឹង នៅព្រឹកថ្ងៃព្រហស្បតិ៍ ទី២៣ ខែកក្កដា ឆ្នាំ២០២៦ បន្ទាប់ពីបានធ្លាក់ចុះមកនៅត្រឹមជាង ៤៨០០ ដុល្លារ ក្នុងមួយតម្លឹង ចាប់តាំងពីពាក់កណ្តាលខែកក្កដាមក។ ការប្រែប្រួលនេះបានធ្វើឱ្យទីផ្សារមាសក្នុងស្រុកបន្តស្ថិតក្នុងភាពប្រុងប្រយ័ត្ន​ទាំងអ្នកទិញ និងអ្នកលក់៕ #goldprice #kampucheathmeytv Follow Kampuchea Thmey TV for more: Facebook:   / kptdaily   Telegram: https://t.me/kampucheathmeytv Tiktok:   / kampuchea_thmey_daily