Tv Klan - Vritet me armë zjarri Nazmi Bandula |Lajme-News

Personi në foto është Nazmi Bandula, i cili u ekzekutua me armë zjarri mëngjesin e sotëm në Shkodër. 55-vjeçari, pasi kishte parkuar makinën e tij tip BMË, ishte ulur në këtë tavolinë për të pirë kafen e mëngjesit pranë shtëpisë së tij në lagjen ‘Rus’ të Shkodrës, kur persona ende të paidentifikuar të cilët lëviznin me një makinë të bardhë tip ‘Mercedez-Benz’ e qëlluan për vdekje. Në momentin që ai ka parë që nga makina po qëllohej në drejtim të tij ka tentuar të largohet, por është rrëzuar i gjakosur vetëm pak metra më tej. Bandula humbi jetën në vend, ndërsa në vendngjarje mbetën shenjat e gjakut të tij dhe ato të plumbave të qëlluara nga autorët. Ndaj tij dyshohet se është qëlluar rreth 13 herë, ndërsa 6 plumba e kanë kapur në pjesën e sipërme të trupit, çka i shkaktuan vdekjen e menjëhershme. Në vendngjarje mbërritën forcat e policisë të cilat bën rrethimin e zonës për mbledhjen e provave që mund të ndihmojnë në zbardhjen e ngjarjes, por hetuesit nuk kanë gjetur asnjë gëzhojë pasi ato kanë mbetur brenda makinës. Gjithashtu policia ngriti postblloqe në hyrje-daljet kryesore të qytetit, ndërsa grupi hetimor bëri edhe sekuestrimin e pamjeve të kamerave të sigurisë në ambientet përreth, të cilat shpresojnë të japin më shumë të dhëna për dinamikën e ngjarjes dhe identifikimin e autorëve. Nazmi Bandula në Vjeshtën e vitit 2020 u arrestua pasi kërcënoi me armë zjarri vëllanë e tij pas një konflikti familjar, ndërkohë që vetëm pak muaj më vonë, më 26 Dhjetor të 2020 atij iu hodh në erë makina e tij që e kishte të parkuar në oborrin e shtëpisë. Burime nga policia e Shkodrës besojnë se ngjarja e sotme mund të ketë lidhje me aktivitetin e tij kriminal, pasi 55-vjeçari njihej në Shkodër si pjesë e botës së krimit. SUBSCRIBE to “RTV KLAN” on YouTube for more videos! Email: [email protected] Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/