🍀 НИЕТТІ ЖАҢАРТУ- берекелі өмірдің бастауы💫 #БерекеніңКілті #Медитация

🍀 Ниет қою дұғасы (өзім айтатын) «Бисмилләһ. Уа, Алла! Осы еңбегімді Сенің разылығың үшін бастаймын. Маған берген қабілеттерімді адамдарға пайда әкелетін іске жұмсауды нәсіп ет. Еңбегіме береке беріп, отбасыма адал әрі мол ризық нәсіп ет. Ниетімді ықыласты, жүрегімді таза ет. Әмин.» Көп адамдар: «Әуелі ниетіңді дұрыста», «Ниетіңді түзет», «Ниетің таза болсын» деп айтып жатады. Бірақ сол ниетті қалай жаңартуға болатынын нақты түсіндіріп жатқандар аз. Мен де осы сұрақты өзіме талай рет қойғанмын. Кейде адамның мақсаты – қарызын жабу, отбасын асырау, адал табыс табу. Сондай кезде: «Ниетімді қалай дұрыстаймын?» деген ой мазалайды. Сол себепті бұл медитация-аффирмацияны жүректен шыққан ниетпен жаздым. Оның мақсаты – ақшадан бас тарту емес, керісінше жүректі Алланың разылығына бұрып, өз қабілетімізді адамдарға пайда әкелетін іске жұмсауға шабыт беру. Егер осы медитация бір ғана адамның жүрегіне тыныштық сыйлап, ниетін жаңартуға себеп болса, мен үшін соның өзі үлкен қуаныш. Алла әрбір адал еңбегімізге береке берсін. Әмин. 🍀 Махаббатпен,Алмагүл Қанатқызы 💚 #БерекеніңКілті#НиеттіЖаңарту #Медитация #Аффирмация #ҚазақшаМедитация #Береке #Ризық #АллаРазылығы #РуханиДаму #ІшкіТыныштық #ӨзінДамыту #Мотивация #АлмагүлҚанатқызы