SHIRIKA LA MT ANNA WAKUSANYIKA PAROKIA YA ULONGONI

SHIRIKA LA MT ANNA DEKANIA YA SEGEREA WAKUTANA PAROKIA YA ULONGONI. Ulongoni, DAR ES SALAAM Utume wa Shirika la Mt Anna kutoka parokia zinazounda Dekania ya Mt Yohane Paulo wa II, Segerea, Jimbo Kuu la Dar es Salaam leo Jumapili April 19, 2026 wamekutana na kushiriki Adhimisho la Misa Takatifu ya Dominika ya 3 ya PASAKA katika parokia ya Mt Pio, Ulongoni B, kwa nia ya kuombea familia zipate amani. Mwenyekiti wa Shirika hilo Dekania ya Segerea Mama Leah Msechu katika salamu zake mbele ya Baba Paroko Fr Leonardo Amadori-OFMCap pamoja na waamini wote amewasisitiza waamini kudumu katika kusali na kuombea ulimwenguni mzima, hususani familia ili kuimarisha msingi wa Imani ya kanisa. Nae Baba Paroko Fr Amadori amewapongeza akimama wa shirika hilo kwa kutamani kuishi maisha kama ya Mt Anna na fadhila zake, ambae ndie Mama wa Bikira Maria aliye mzaa Kristo na kuwakaribisha parokia ya Ulongoni na kujisikia wapo nyumbani.