شبيه الريح - محمد عبده

شبيه الريح لحن / صادق الشاعر توزيع / وليد فايد شبيه الريح .. وش باقي .. من الآلآم .. والتجريح ؟.. وش باقي من الأحلام ؟.. وش باقي من الأوهام ؟.. غير إني .. ألاقي في هجيرك فَيْ .. ألاقي في ظلامك ضي .. وأوقد شمعتي في الريح ؟.. شبيه الريح .. شبيه الريح .. أنا ما اقْدر أكدّر صَفْـوَك العاصف .. شبيه الريح .. أنا من لي سوى إحساسك الجارف .. بقايا زيف أشواقي .. سما أمطار أحداقي .. شبيه الريح .. وش باقي ؟ .. أبي أعرف .. متى تسكن رياحك ؟.. وابي أعرف .. غرورك .. هو متى يطلق سراحك ؟.. وابي أعرف .. متى تعصف .. متى تعطف .. متى تنزف جراحك ؟ وابي أعرف .. إذا باقي في بحرك .. موج .. أكسر فيه مجدافي .. وابي أعرف .. إذا باقي في همّك .. هم .. ما شالَتْه أكتافي .. وابي أعرف .. إذا باقي في هالدنيا .. حزن .. ما مرّني واْستوطن أطرافي .. بقايا زيف أشواقي .. سما أمطار أحداقي .. شبيه الريح .. وش باقي ؟!.. سنيني يم .. وقلبي المركب المُتْعَب .. وإنت الريح .. مجاديفي عذاب وْ هم.. وزادي الوجد والتبريح .. وصبري صبر بحّاره .. بغوا في اليمّ محّاره .. غشاهم موج .. كان مْن الغضب أغضب .. وكانوا للهلاك أقرب .. لولا كثّروا التسبيح .. حبيبي الأصدق الأكذب .. عجزت أوصل شواطي .. طبعك الأعذب !.. تعبت أجمع ألم كل الموادع .. في المواني .. واحضن أطيافك .. تعبت السهْد في ليل الشوارع .. و الثواني .. تنطر إنصافك .. تعبت الظلم .. واْجحافك !.. بقايا زيف أشواقي .. سما أمطار أحداقي .. شبيه الريح .. وش باقي ؟!.