კარაფანო: „ქართულ ოცნებას“ და ოპოზიციას აშშ-ისგან არარეალისტური მოლოდინები აქვთ

ჯეიმს კარაფანო, The Heritage Foundation-ის პრეზიდენტის უფროსი მრჩეველი, ვაშინგტონში ეროვნული უსაფრთხოებისა და საგარეო პოლიტიკის საკითხებზე ერთ-ერთი ყველაზე გავლენიანი ექსპერტი, Independence Avenue Media-სთან ინტერვიუში საუბრობს აშშ-საქართველოს ურთიერთობების მომავალზე, ტრამპის ადმინისტრაციის მიდგომაზე, რუსეთისა და ჩინეთის გავლენაზე და იმაზე, თუ რას ელოდება დღეს ვაშინგტონი საქართველოსგან. კარაფანოს თქმით, ტრამპის ადმინისტრაცია საქართველოსთან ჩართულობისთვის მზად არის, თუმცა ვაშინგტონი თბილისისგან არა სიმბოლურ ჟესტებს, პოლიტიკურ განცხადებებსა და იდეოლოგიური თანხვედრის წარმოჩენას, არამედ კონკრეტულ შედეგებს ელოდება. „ჩინეთის ან რუსეთის წინაშე ქედის მოხრა, ან ამერიკელების შეურაცხყოფა, არსად მიგიყვანთ“, ამბობს კარაფანო. მისი შეფასებით, როგორც „ქართულ ოცნებას“, ისე ოპოზიციას აშშ-ისგან არარეალისტური მოლოდინები აქვს: ხელისუფლება რეალური ნაბიჯების გარეშე განსაკუთრებულ ურთიერთობას ვერ მიიღებს, ხოლო ოპოზიციამ არ უნდა იფიქროს, რომ ვაშინგტონი მის პრობლემებს მის ნაცვლად მოაგვარებს. „ვფიქრობ, არც ერთი მხარე არ იქნება კმაყოფილი იმით, თუ როგორ გადაწყვეტს შეერთებული შტატები საქართველოს შიდა საკითხებთან დაკავშირებულ თემებზე ჩართულობას. ჩვენ სხვისი პრობლემების გადაჭრას არ ვაპირებთ“, ამბობს კარაფანო. ინტერვიუში კარაფანო საუბრობს ჩინეთისა და რუსეთის გავლენაზე, „შუა დერეფნის“ მნიშვნელობაზე, ანაკლიის ღრმაწყლოვანი პორტის პროექტზე, პოლიტიკურ რეპრესიებზე, ბიძინა ივანიშვილის სანქციებზე და იმაზე, თუ როგორ განსხვავდება საქართველოს მიმართ ვაშინგტონისა და ბრიუსელის მიდგომები. #indavemedia #indavemediageo #საქართველო #აშშ #ტრამპი #კონგრესი #ვაშინგტონი #თბილისი #ჯეიმსკარაფანო #ქართულიოცნება #სამხრეთკავკასია #სომხეთი #შუადერეფანი #ივანიშვილი #კობახიძე #აზერბაიჯანი #რუსეთი #ჩინეთი #პუტინი #სიძინპინი 00:00 შესავალი 01:16 რუბიო, კობახიძე და საქართველო-აშშ-ის ურთიერთობების მომავალი 07:13 „ქართული ოცნების“ სტრატეგიული შეცდომა 10:01 რას ელოდება ვაშინგტონი თბილისისგან? 12:47 ჩინეთისა და რუსეთის ჩრდილქვეშ 17:07 „დიფ სტეიტი“, ტრამპი და „ქართული ოცნების“ გათვლა 19:03 დახუჭავს თუ არა აშშ თვალს რეპრესიებზე? 21:42 ცდილობდა თუ არა დასავლეთი საქართველოს ომში ჩათრევას? 22:29 საქართველო-აშშ-ის უსაფრთხოების თანამშრომლობის მომავალი 23:26 როგორ უყურებს ვაშინგტონი საქართველო-ევროკავშირის ურთიერთობას? 25:00 სამხრეთ კავკასია — საქართველოს ტრამპის ადმინისტრაციის სტრატეგიაში 26:19 ანაკლიის პორტი და პროაქტიული პარტნიორობა