سلام الله على راع الوفا شاعر الالغاز .. الشاعر محمد بن حسن .. عنيزة

اهداء من الشاعر محمد بن حسن الى الشاعر ناصر عبدالله المسيميري حفظهما الله سلام الله على راع الوفا شاعر الالغاز وهو ناصر وناصر واجد اللي يعرفونه انا اعني المسيميري ولا غيره احدٍ حاز على هالاسم واهل الحزم قبلي يسمونه برع باللغز واهل اللغز قالوه بالتلفاز لو ان اللغز موتر كان يمسك دركسونه عرفته بالكرم والطيب والمرجله يمتاز ولا اذكر كد قفل بابه عن اللي يضيفونه عزيزٍ عندنا غالي وهو من رجال اعزاز انا احبه وربعي من عنيزة يحبونه وهو راوي وهو ناقد وهو شاعرٍ ممتاز الى جاب القصيدة عندكم ما تملونه والى سولف يجيب السالفه كلها بايجاز ومن حرصه عن التقطيع يقفل تلفونه تميز بالكثير وسجل انجاز فوق انجاز ولا جنب عن الامثال واللي يقولونه دواوينه كثيره واي ناسٍ تبي تعتاز جميع اللي يبونه بالدواوين يلقونه وصلوا عد ما كبر على المنبر ابن باز على محمد شفيع الخلق ياللي توحونه