XSR 155 After 8200 KM | Comfort Fixed, But This Problem Remains!

Hello Riders, 6 months aur 8200 km complete karne ke baad aaj main XSR 155 ke baare mein woh baatein batane wala hu jo shayad showroom wale bhi aapko nahi batayenge. Is video ko end tak zaroor dekhna, kyunki 6 mahine daily use karne ke baad mujhe 3 major cheezein pata chali hain… Ek comfort se related, Ek seat se related, Aur ek problem jo meri bike mein 2nd service ke baad aayi aur abhi tak solve nahi hui. Maine XSR 155 December 2025 mein li thi aur tab se lekar ab tak 8200 km chala chuka hu. Shuru ke 1-2 mahine mujhe bike mein koi problem nahi lagi. New bike thi, excitement alag level par thi. Daily 50-60 km chalata tha aur sab perfect lagta tha. Lekin dheere dheere mujhe back pain feel hone laga. Pehle laga shayad long rides ki wajah se hoga, lekin phir mujhe actual reason samajh aaya. Ek din mere papa kisi function mein ye bike lekar gaye. Wapas aakar unhone ek aisi baat boli jisne mera pura riding experience change kar diya. Unhone kaha ki bike comfortable ho sakti hai, bas ek cheez change karni padegi. Uske baad maine Hunter 350 handle try karne ka decide kiya. Handle dhoondhne ke liye main market nikla, kaafi shops dekhi, lekin kahin nahi mila. Kaafi search karne ke baad mujhe Royal Enfield genuine parts wali shop par finally Hunter 350 ka handle mil gaya. Ghar aate hi maine aur mere papa ne milkar handle install kiya. Aur honestly… Ye meri XSR par ki gayi sabse useful modification thi. Handle lagane ke baad riding posture completely change ho gaya. Jo back pain pehle long rides mein feel hota tha, wo almost khatam ho gaya. Uske baad main 100 km aur 200 km tak ki rides kar chuka hu aur bike mujhe pehle se kaafi zyada comfortable lagti hai. Lekin… Ek problem abhi bhi baaki thi. Aur ye problem mujhe handle change karne ke baad aur zyada feel hone lagi. Bike ki seat. Long rides ke baad seat discomfort kaafi noticeable ho jata hai. Isliye meri next modification seat hi hone wali hai. Main seat ko modify karunga lekin bike ka stock look maintain rakhunga. Memory foam aur original design ke combination ke saath kuch interesting plan hai. Uska update bahut jaldi channel par aayega. Ab baat karte hain performance ki. Performance ke maamle mein XSR 155 ne mujhe bilkul disappoint nahi kiya. Engine, mileage aur overall riding experience kaafi achha raha hai. Lekin meri bike mein 2nd service ke baad ek issue aaya. Vibrations. Ye vibrations pehle nahi the aur 2nd service ke baad notice hone lage. Abhi tak exact reason mujhe bhi nahi pata aur showroom wale bhi clear answer nahi de paaye. Ab meri 3rd service aane wali hai. Dekhte hain uske baad vibrations solve hote hain ya nahi. Agar aapke paas bhi XSR 155 hai aur aapko is issue ke baare mein kuch pata hai to comment mein zaroor batana. Agar video helpful lagi ho to Like, Share aur Subscribe zaroor karna. Aur agar aap XSR 155 lene ka soch rahe ho ya already owner ho, to channel par bane raho kyunki aage bhi main apna real ownership experience share karta rahunga. Thank You For Watching. #XSR155 #YamahaXSR155 #XSR155India #XSR155Review #XSR155OwnershipReview #MotorcycleReview #BikeReview #YamahaIndia #XSR155Modification #Hunter350Handlebar #BikeLife #Motovlog #LongTermReview #MotorcycleLife #RiderLife