KLIMABONUS WUNNEN VERLÄNGERT A VERBESSERT

De Klimabonus ass e wichtege Baustee vun der Klimapolitik. Dofir gëtt deen elo verlängert a moderniséiert. Mam neie Gesetz ginn och Mesurë vun der Tripartite ëmgesat: D’Hëllefe fir energeetesch Sanéierungen a Wärmepompele ginn temporär erhéicht. Méi einfach forfaitaire Montanten an de Prefinanzement vun 2027 un, sollen d’Energietransitioun fir d’Bierger méi attraktiv a méi bezuelbar maachen, esou de Rapporter vum Gesetz, de Jeff Boonen. Mat enger Motioun fuerdert d’Chamber d’Regierung op, de Regimm nach virum Auslaf vun den temporären Tripartite-Mesuren ze evaluéieren an, wou néideg, nozebesseren. Den Ëmweltminister Serge Wilmes huet betount, datt déi sozial Dimensioun vun der Energietransitioun net dierf vergiess ginn. Besonnesch fir Locatairen a Stéit mat méi niddregem Akommes sollen déi bestoend Hëllefen an d’Barrièrë beim energeetesche Sanéieren nach méi genee analyséiert ginn.