AJALI! BASI LA ABIRIA LAGONGANA USO KWA USO NA GARI LA MIZIGO, KADHAA WAFARIKI DUNIA

Ajali nyingine ya gari imetokea katika Mkoa wa Tanga na kusababisha vifo vya watu wanne huku wengine 16 wakijeruhiwa. Ajali hiyo ni ya tatu iliyosababisha vifo ndani ya siku chache za mwanzo wa mwaka 2026 na mwishoni mwa 2025. Ajali ya kwanza ilitokea Morogoro, Desemba 31, ikiua watu 10 na kuwajeruhi 18. Taarifa kwa vyombo vya habari iliyotolewa leo, Jumapili Januari 11, 2026 na Kamanda wa Polisi Mkoa wa Tanga, Almachius Mchunguzi, inaeleza kuwa, ajali hiyo imehusisha magari mawili kugongana uso kwa uso, saa 9:30 asubuhi katika eneo la Mkumbara, Tarafa ya Mombo, Wilaya ya Korogwe, kwenye barabara kuu ya Same–Korogwe. Inaeleza kuwa, ajali hiyo imehusisha gari la mizigo aina ya Scania likiwa na tela mali ya Kampuni ya Mikoani Edible Oil and Detergents Ltd, lililokuwa likitokea Same kuelekea Korogwe- Tanga na basi aina ya Yutong mali ya Kampuni ya Mwensino, lililokuwa likitokea Lushoto kuelekea mkoani Arusha. Soma zaidi katika tovuti ya Mwananchi.