胡楓 謝寧 賈思樂等送別陳敏兒 長子廖文哲崩潰：你畢業了

胡楓 謝寧 賈思樂等送別陳敏兒 長子廖文哲崩潰：你畢業了 已故藝人 廖啟智 遺孀 陳敏兒 於6月12號因病離世，其家屬於6月25號為敏兒舉行安息禮，堂外擺放一張敏兒頭戴四方帽的照片，寓意人生畢業。完成儀式後長子廖文哲手捧遺照，與胞弟廖文信一同登上靈車，靈柩隨即奉移火葬場火化。 圈中好友周潤發、劉德華、藝進同學會、蔡少芬及張晉夫婦等都送上花牌致意。敏兒生前眾多好友胡楓、謝寧、鄧萃雯、賈思樂、吳麗珠、陳寶儀、劉江、廖安麗、鄧英敏、吳雨、杜琪峯等都親身前來送別，表現得悲傷不捨，尤其與敏兒相識多年嘅修哥，見到堂外的畢業照片時，忍不住伸手摸一摸，明顯相當不捨。 靈堂內佈置簡潔，採用敏兒一張笑得和藹可親嘅遺照，堂前擺放住三個摯親嘅心形花牌，兩旁為大仔廖文哲和細仔廖文信嘅花牌，中間則是敏兒媽媽寫上「悼念愛女永遠愛你」嘅花牌。 安息禮進行時，細仔廖文信秉承敏兒為人樂觀一面，喺會上分享同媽媽難忘軼事，相反平日比較沉默嘅大哥廖文哲，甫開口分享時即爆喊，佢表示媽媽喺清醒最後一刻，自己有將心底話告訴對方，並指媽媽已經畢業，而自己就仲有一段時間，之後又與弟弟合唱一曲送給天上嘅敏兒，場面感人。 安息禮上播放了大量敏兒生前與眾多好友嘅生活點滴片段，見到敏兒經常將歡樂掛在嘴邊，以真誠同朋友相處，一幕幕歡樂又充滿鼓勵性嘅畫面令人難以忘懷。 好友鄧萃雯對敏兒離世留有遺憾，一度自責，因為收到謝寧電話當日，自己正要前往內地工作，哽咽表示到最後連敏兒最後一面都見唔到。 #陳敏兒 #安息禮 #廖文信 #廖文哲 #廖啟智 #離世 #周潤發 #劉德華 #藝進同學會 #蔡少芬 #張晉 #胡楓 #謝寧 #賈思樂 #吳麗珠 #陳寶儀 #劉江 #廖安麗 #鄧英敏 #吳雨 #杜琪峯 #畢業了#TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0