Klan News - Tragjedia në Vilë Bashtovë, pranga administratorit të plazhit

Një ditë pas tragjedisë në Vilë Bashtovë vihet në pranga administratori i pjesës së plazhit ku ndodhi ngjarja. Policia e Kavajës njoftoi arrestimin e 34 vjeçarit Pëllumb Nika i cili ka një lokal buzë detit dhe ka marrë në shfrytëzim nga agjencia e turizmit edhe një pjesë të plazhit në bregdetin e Vilë Bashtovës. Sipas uniformave blu, Nika nuk kishte marrë masat për të garantuar sigurinë e pushuesve. 34 vjeçari nuk ka zbatuar ligjin për të vendosur vrojtues e po ashtu nuk ka vendosur as sinjalistikën e duhur në plazh për të paralajmëruar rrezikun në rastet kur deti është me dallgë. Edhe nga vëzhgimi që bëri Klan News pas ngjarjes së rëndë me 3 viktima, në këtë pjesë të bregdetit shikohet qartë që nuk ka vrojtues plazhi dhe as sinjalistikë. Po ashtu as në det të hapur nuk janë vendosur piketa për të kufizuar lëvizjen e pushuesve. Tragjedia ndodhi mesditën e së dielës. 50 vjecari Elvis Halilaj ishte futur bashkë me dy djemtë e tij të mitur në det për tu larë në plazhin e Vilë Bashtovës, por fatkeqësisht u mbytën për shkak të detit me dallgë të larta. Ishte një peshkatar i zonës që me një kajak por edhe me ndihmën e personave të tjerë që ndodheshin pranë, bënë të mundur nxjerrjen e tre trupave të pajetë nga uji. Familja Halilaj kishte shkuar me pushime në Vilë Bashtovë, por e diela ishte një ditë tragjike për ta. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan