هل لازم أتعلم المودز على الجيتار؟

هل لازم أتعلم المودز على الجيتار؟ Guitar Modes أو المودز هو موضوع في نظرية الموسيقى الغربية مشابه ومقابل في تطبيقه للسلالم الموسيقية أو المقامات الشرقية. في الحلقة دي اجابة على سؤال بيتكرر كثير معايا وهو هل لازم عازف الجيتار يتعلم المودز أو كل السلالم الموسيقية عشان يكمل رحلته الموسيقية؟ الحلقة دي هي الجزء الثاني من سلسلة من حلقتين بتكلم فيهم عن المودز كمفهوم وتطبيق مع أمثلة كثير. مش بركز فيهم على أي تكنيك عزف ولا أي جمل لحنية معينة, لكن الهدف الوحيد من الحلقتين دول هو تقديم المودز بشكل مبسط ونظري في البداية. ممكن تكون الحلقات دي مش مناسبة لحد مبتدئ في العزف على الجيتار لكن عامة هي بتلخص فكرة المودز على الجيتار وازاي ممكن نستخدمهم بشكل عملي. أعتقد افضل طريقة للاستفادة من الحلقات دي هو الاستماع للشرح من غير جيتار تماما في الأول لحد ما فكرة المودز الأساسية تبتدي توضح والودن تقدر تميزها. بعد كده ممكن تتعاد الحلقات مع بداية التطبيق العملي على الجيتار بمساعدة الصور التوضيحية للسلالم المصاحبة للفيديو. ودي الطريقة اللي انا بتبعها بنفسي لما بتعلم موضوع جديد في الموسيقى أو العزف على الجيتار. ممكن الاستعجال في مسك الجيتار والتطبيق مباشرة يشتت التركيز اللازم لاستيعاب الأفكار أو المواضيع الجديدة خاصة في المرات الأولى. Thanks for watching http://www.chusss.com Subscribe Youtube http://goo.gl/ZoKN9 Facebook http://www.fb.com/chusssfb (*) All Rights Reserved to chusss (Mohamed Shawky) 2006-2017