Bilim Ishqida | Love For Knowledge , Lyrics: Nimshehit Armiye Eli, Music: Abdurehim Heyit

Bilim Ishqida | The Love For Knowledge, is one of the most well known Uyghur poems. It is written in 1936 by Nimshehit Armiye Eli. Abdurehim Heyit composed this song in the late 80s, and made this specific song so popular that, almost all Uyghurs know this song nowadays. This song has been sung by many singers. Today I covered the original Abdurehim Heyit's Dutar version. بىلىم ئىشقىدا بولسا ئۇيغۇر ئەدەبىياتىدىكى ئەڭ نادىر شېئىرلارنىڭ بىرسى. بۇ شېئىر 1936-يىلى نىمشېھىت ئارمىيە ئەلى تەرىپىدىن يېزىلغان. ئابدۇرېھىم ھېيىت 80-يىللارنىڭ ئاخىرىدا ناخشىسىنى ئىجاد قىلغان. شۇندىن بۇيان بىلىم ئىشقىدا ناملىق بۇ ناخشا ئۇيغۇر ئېلىدىكى چوڭ-كىچىك، قېرى-ياش ھەممە كىشى بىلىدىغان، سۆيۈپ ئاڭلايدىغان بىر ناخشىغا ئايلانغان. نۇرغۇن ناخشىچىلارمۇ بۇ ناخشىنى ھەرخىل ئۇسلۇبلاردا سەھنىلەرگە ئېلىپ چىقىشقان. بۈگۈن ئابدۇرېھىم ھېيىت ئۇستازغا تەقلىد قىلىپ بۇ ناخشىنى تولۇق ئوقۇپ باقتىم. ياقتۇرغايسىلەر. بىلىم ئىشقىدا شېئىرى: نىمشېھىت ئارمىيە ئەلى مۇزىكىسى: ئابدۇرېھىم ھېيىت جاھان رەنالىرى ئىچرە بىلىمدەك بىر گۈزەل يار يوق، بىلىمدىن ئۆزگە تۇتقان يار، بولۇر ئۇ گاھىدا بار يوق. كېرىپ نەپسىڭنىڭ كەيىنىگە، بىلىمدىن ئۆزگە يار تۇتساڭ، بېشىڭغا كەلسە بىر كۈنلەر، ئۇ چاغدا سەن كەبى خار يوق. پاراغەت ئىزلىسەڭ ئەسلا، بىلىمدىن ئۆزگە يار تۇتما، سېنىڭ قەدرىڭنى ساقلاشقا، بىلىمدەك ياخشى ھەمكار يوق. قارا قاشلىق تۇلۇن ئايلار ساڭا بىر نەچچە كۈن ھەمراھ، ئەگەر سەن پۇلدىن ئايرىلساڭ، شۇئان تاشلايدۇ ھېچ ئار يوق. گۇمان قىلما پەلەكتىن، ھەرقاچان بەختىڭگە چۆرگىلىمەس، بۈگۈن باي، ئەتە سەندەك ھېچ گاداي يوق، بەلكى قەرزدار يوق.