ከበቀል በትሩ ጀርባ | EBCDOTSTREAM|

በኦሮሚያ ክልል አርሲ ዞን አጥፊ ሀይሎች በንጹሃን ላይ አረመኔያዊ ጥቃት ፈጽመዋል። የአጥፊዎቹን ጥፋት በላቀ የሚያስኮንነውም ለፍቶ አዳሪን ለከሰረ ፖለቲካቸው ማዳበሪያ የማድረግ ፍላጎታቸው ሲጤን ነው። ታዛቢዎች ይህ ሽንፈት የወለደው የፈሪ የበቀልም በትር ነው ይላሉ።የአርሲው ጥቃት ባለቤት አለው።ጥቃቱ ዘፈቀዳዊ አልነበረም። የጥፋቱ አባወራዎች ህዝብን አሻጋሪ ሀሳብ የላቸውም። ነገር ግን  በንጹሃን ሰቆቃ፣ በለፍቶ አዳሪዎች ሞት የተሰላ የጥፋት ፕሮጀክት ወላጆች መሆናቸውን ደጋግመው አሳይተዋል።ተከታዩ ዘገባ የጥፋት ሀይሎች የግጭት ካርታቸውን (conflict map)፣ የግዜ ስሌት (time schedule ) እና ለጥቃት የመረጡት አካል ማንነት ሲሰላ በሀሳብ የፖለቲካ መድረክ መሸነፍ የፈጠረው ቁጭት ያዋለደው የጥፋት በትር ነው ይለናል።