東張西望｜裝修「連環爛尾」事件迎大逆轉？ 兩名師傅出面平反 力數業主多宗罪

東張西望｜裝修「連環爛尾」事件迎大逆轉？ 兩名師傅出面平反 力數業主多宗罪 早前《東張》報導過，事主Amy搵裝修師傅為自己屋企做裝修，耗費巨資卻接連爛尾，事件引起大批討論。 涉事嘅K師傅聯絡《東張》，親身回應Amy嘅指控，指佢係為Amy清理好工程現場同打包好私人物件先至開工嘅，假如有心爛尾，早喺收咗第一筆錢之後就可以走佬，根本無謂為事主做咁多嘢；至於關於將電器擺喺棚架嘅指控，K師傅承認係佢嘅疏忽，但當晚Amy已經換鎖，又叫管理處唔俾佢哋上去，佢都無從補救，至於Amy幾時換嘅鎖，只有佢自己先知道。 K師傅又指責Amy唔信任、唔尊重裝修師傅，幾乎每件事都要質疑一番，認為係佢哋呢班師傅搵佢錢，即使佢哋搵嘅師傅個個都有「平安卡」都要質疑佢哋係唔係黑工。 《東張》搵到第一間幫Amy裝修嘅裝修公司嘅老闆憶述當時跟Amy對帳時嘅情況，指當初佢哋其實「蝕住咁做」，又曾因為4道門等咗Amy 6個鐘；之後Amy又向佢提出多項叼鑽嘅要求，包括要佢獨自搬門、又叫佢將門拆開細數裡面嘅零件等，最後喺冇相照對照嘅前提下聲稱顏色唔啱，拒收其中兩道門。 之後Amy更於網上不同裝修群組抹黑及起底涉事師傅兩人，K師傅已經向私隱專員公署通報，並循小額錢債審裁處索償損失。 #東張西望 #TVB #裝修 #爛尾 #羅生門 #社會 #民生 #時事 東張西望為你直擊香港民生時事：https://bit.ly/35Ba1zK 想免費睇番呢集嘅精彩內容？登入myTV SUPER免費點播最近7日TVB自製節目：https://su.tvb.com/q/eAHttNqm