Bërxolla gici me kërpudha/ Role me kanellë (Receta nga znj. Eneida)

Bërxolla gici me kërpudha 4 bërxolla gici 1 qepë e madhe 300 gr kërpudha 1 gotë verë e kuqe 1 thelb hudhër 3 lugë vaj ulliri 4-5 kokrra pimento Kripë Rozmarinë Bërxollat e gicit i marinojmë me kripë dhe i skuqim në vaj ulliri. Pasi kanë marrë ngjyrë, i heqim dhe shtojmë qepën në kubikë bashkë me hudhrën si dhe kripën. Sa të zbuten dhe të marrin ngjyrë të artë, rrisim temperaturën dhe shtojmë kërpudhat e prera në feta. Presim derisa të zbuten edhe kërpudhat dhe shtojmë verën e kuqe si dhe rozmarinën. Shtojmë 1 gotë ujë dhe i lëmë të gatuhen deri sa të avullojë uji. Shtojmë dhe kokrrat e pimentos. Nëse e duam salcën më kremoze, mund të shtojmë 1 lugë miell gjatë skuqjes së kërpudhave. Gatuajmë deri sa të avullojë uji dhe i servirim me pilaf ose bullgur. Role me kanellë 200ml ujë i vakët 200ml qumësht i vakët 14 gr maja e thatë 1 lugë çaji kripë 1 lugë gjelle sheqer 600-700 gr miell 150 gr gjalpë Kanellë pluhur Sheqer kaf 200 gr krem djathi 100 gr sheqer pluhur Bashkojmë ujin me qumështin dhe shkrijmë majanë në të. Shtojmë sheqerin dhe kripën në miell. Formojmë brumin dhe e lëmë të vijë për 40 minuta. Hapim një petë me trashësi 5 cm, e lyejmë me gjalpë, sheqer kaf dhe sheqer pluhur. E rrotullojmë dhe e presim. Copat e rolesë i vendosim në tavë dhe i lëmë të vijnë 20 min akoma. I pjekim në 200 gradë deri sa të marrin ngjyrë kafe të lehtë lart. Rrahim kremin e djathit me sheqerin pluhur, dhe sapo të ftohen roletë, i lyejmë me të nga lart. Subscribe në kanalin “News24 Albania” për më shumë lajme: shorturl.at/dyO67 Ndiq News24 ne facebook : https://bit.ly/2K4vrI4 Ndiq News24 ne instagram : https://bit.ly/2M9HsPn