محمد عبد الوهاب يااللي زماني رماني... (من غير ليه)

كلمات : مرسي جميل عزيز تلحين : محمد عبد الوهاب ياللي زماني رماني فى بحر عنيــك ونساني وقالي انسانـــي بحر عنيك يا حبيبي غريـق لكن فيه احلى ليالي زمانـي تهت وتاهت دنيتي منــي بين افراحي .. وبين اشجانـــــــي دنيتي غنـــوة .. لأ تنهيـدة .. لأ لأ شيء تاني .. لأ شيء تانــي دنيتي حبك حاجه حاسسها لامسها شايفها لكن ولا اوصاف توصفهــا واحلم لو غمضت عنيــيّ احلام حلوه .. كتير ورديـــه فيها عيون وخدود وشفايـــــــف بتطير فىّ فوق ليالــيّ لما بشوفك القاك احلى من الاحلام كل الاحـــلام ياللي ايديك سهرّت الدنيا ورمشك حضن السحر و نــام وده ليه يا تــرى يجرى لي اللى جـــرى واما بفكر اسقيك اكثر مابتسقيني الحب ليـــالــي ما لقاش فرحه جات على بالي الا وحبك فرحهــــــالــي وزي ما جينا جينــا ومش بئدينا جينــا زي ما رمشك خذ ليالـــــــيّ وحكم وامر فيها وفــــيَ ولقيت بيتي بعد الغربة وقلبك ده وعيونـــك ديّ ولقيت روحي فأحضان قلبك بحلم واصحى واعيش على حبك حتى فى عز عذابي بحبك عارف ليه .. من غير ليــه حبيبي .. آه يا حبيبـــي كل مافيك يا حبيبي حبيـبـي شعرك ليلي جبينك قمــري حبك رحلة عمري وقــدري ليلي حلي عمري حلــــي وكل شيء بالكون حلــي لكن هناك تنهيــده فى القلب اللى من الخوف مخلــي يقول يافرحة اتمهلـــي وتمهلي وتمهلـي ده المبتلي بالحب مهما تهنى برضوا مبتلـي خايف طيور الحب تهجر عشها وترحل بعيـد خايف على بحر الدفا ليلة شتا يصبح جليــــد خايف لا بكره يجينا ياخذنا من ليالينــا سكة عذاب تاه فيها احباب كثير قبلينـــا عارف كل الخوف من بكره ده ليه يا حبيبـي عارف سر عذابي وحيرتي ده ايه يا حبيبــي علشان انت الروح فى الدنيا اللى بعيش فيها وانا من غيرك كل حياتي تضيع بعديهـــا وزي ما جينا جينا ومش بئدينا جينـــا زي ما رمشك خد لياليّ وحكم وامر فيها وفـــيَ ولقيت بيتي بعد الغربة وقلبك ده وعيونــك ديّ ، في أحضان قلبك بحلم واصحى واعيش على حبك حتى فى عز عذابي بحبك عارف ليه .. من غير ليـــه من غير ليه آه يا حبيبي بحبك