శ్రీ గురుదండకం 🙏సద్గురువుల దర్శనం చేయించగల అద్భుత భక్తిరస గానం

గురుభక్తి, వేదాంత జ్ఞానం, పరమాత్మ తత్త్వం కలిసిన అద్భుత ఆధ్యాత్మిక గానం — “గురుదేవ దేవ నమస్తే .. అంటూ సాగే "శ్రీ గురుదండకం." 🙏 ఈ భక్తి గీతం గురువు మహిమను, గురుకృప యొక్క దివ్యత్వాన్ని, జ్ఞానమార్గాన్ని హృదయాన్ని హత్తుకునే పదాలతో వివరిస్తుంది. “గురుర్బ్రహ్మా గురుర్విష్ణుః…” అనే పవిత్ర గురు శ్లోకంతో ప్రారంభమయ్యే ఈ గానం భక్తిని, ధ్యానాన్ని, ఆత్మజ్ఞానాన్ని కలిగించే దివ్య సంగీత సమర్పణ. ఈ పాటలో గురువు బ్రహ్మస్వరూపుడు, పరబ్రహ్మరూపుడు, జగద్వ్యాపి చైతన్యమూర్తి అనే భావాలు అత్యంత అందంగా ప్రతిఫలించాయి. భజన, పారాయణం, ధ్యానం, సత్సంగం, గురుపూజ, గురుపౌర్ణిమ వంటి ఆధ్యాత్మిక సందర్భాలలో వినడానికి ఎంతో అనుకూలమైన గీతం. ✨ ముఖ్యాంశాలు: గురు మహిమపై అద్భుత భక్తి గానం వేదాంత & ఉపనిషత్ తత్త్వ సారం ధ్యానం, భజన, ఆధ్యాత్మిక సాధనకు అనుకూలం శాంతి, భక్తి, ఆత్మజ్ఞానం కలిగించే సంగీతం. అన్నిటినీ మించి విన్నంతనే మీ గురువు మీకు దర్శనం ఇస్తారు. ఇది పరమ సత్యం. తెలుగు భక్తి గీతాల ప్రేమికుల కోసం ప్రత్యేక సమర్పణ 🙏 గురుదేవ దేవ నమస్తే నమస్తే నమస్తే నమః 🙏 #GuruDeva #TeluguBhaktiSongs #GuruBhajan #DevotionalSongs #SpiritualMusic #TeluguDevotional #GuruStotram #BhaktiGeethalu #GuruMahima #meditationmusic శ్రీ గురుదండకము సాహిత్యం అడిగిన వారికి ధన్యవాదాలు. ఇదిగో ఇక్కడ సాహిత్యం ఇస్తున్నాను. గురుర్బ్రహ్మా గురుర్విష్ణుః గురుర్దేవో మహేశ్వరః । గురుః సాక్షాత్ పరం బ్రహ్మ తస్మై శ్రీగురవే నమః ॥ ధ్యానమూలం గురోర్మూర్తిః పూజామూలం గురోః పదం । మంత్రమూలం గురోర్వాక్యం మోక్షమూలం గురోః కృపా ॥ శ్రీమన్ మహాదేవ గురుదేవ జయదేవ శుభదేవ, బ్రహ్మస్వరూప, పరబ్రహ్మరూప, విష్ణవే, జగద్విష్ణవే, ప్రభవిష్ణవే, సర్వజిష్ణవే, ఈశువే, గణేశువే, సురేశువే, మహేశువే, సర్వేశువే, వేంకటేశువై వెలుగొందు గురుదేవ దేవ గురుదేవ దేవ నమస్తే నమస్తే నమస్తే నమః నరదేహధారి, దరహాసధారి, వరదీనార్తిహరి, వ్రతపూర్ణధారి, ఆత్మవై, పరమాత్మవై, శుద్ధాత్మవై, శ్రేష్ఠమై, జ్యేష్ఠమై జగములో, యుగములో, జగతిలో, ప్రగతిలో, జగద్వ్యాపివై భవద్వ్యాపివై భాసించు గురుదేవ దేవ గురుదేవ దేవ నమస్తే నమస్తే నమస్తే నమః జ్ఞానమే మోముగా, యోగమే దేహంబుగా, ధ్యానధారణల్ శ్వాస నిశ్వాసలుగా, దయాశాంతముల్ నేత్రాలుగా, కరుణయే హృదయమై వెలుగొందు తపస్వీ, యశస్వీ, మనస్వీ, మమదేవ దేవ గురుదేవ దేవ నమస్తే నమస్తే నమస్తే నమః సగుణస్వరూప, సచ్చిదానందరూప, ఆదిమధ్యాంతరహిత, ఆధివ్యాధినివృత్త, కర్మబంధ విముక్త, ధర్మార్థకామమోక్ష ప్రదాత, తర్కవితర్కరూపా, తత్త్వవిచారసమర్ధ, తేజోవంత, గుణవంత, బలవంత గురుదేవ దేవ గురుదేవ దేవ నమస్తే నమస్తే నమస్తే నమః ఆదిశంకరుండవు నీవే, శ్రీకంఠ శితికంఠ నీలకంఠుడవీవే, ఆదిగురువువు నీవే, దేవగురువువు నీవే, సర్వగురువువు నీవే, భవ్యగురువువు, ధన్యగురువువు, సకలమూ నీవే, సర్వాత్మవూ నీవే, నిత్యపూజలందుకొనుమో గురుదేవ దేవ గురుదేవ దేవ నమస్తే నమస్తే నమస్తే నమః వేదశాస్త్ర మర్మముల్ తెలిసినాడవు, తంత్రమంత్రయంత్ర రహస్యముల్ ఎరిగినాడవు, సకలస్మృతి పురాణాదులన్ శోధించినాడవు, ఉపనిషత్ వ్యాఖ్యానముల్, నిగమాగమ వాక్యముల్ చదివినాడవు. జ్ఞానసాగరుడవే, విజ్ఞానఘనుడవే, అజ్ఞాన తిమిరాలు తొలగించు, సుజ్ఞానదీపాలు వెలిగించు గురుదేవ దేవ నమస్తే నమస్తే నమస్తే నమః నామగోత్రముల్ లేవు, జాతివర్ణంబులే లేవు, పాపపుణ్యంబులే లేవు, జననమరణముల్లేవు, అణువణువున నీవు, బ్రహ్మాండమే నీవు, పంచభూత నిర్మిత ప్రపంచమే నీవు గదా గురుదేవ దేవ గురుదేవ దేవ నమస్తే నమస్తే నమస్తే నమః శిష్యులన్ చేరదీసి, శక్తులన్ ధారవోసి, భక్తులుగా రూపుజేసి, ముక్తిపథమును జూపింతువే, పరమపదమును చేర్పింతువే, పవిత్రస్వభావి, శిష్యప్రియాయ, కైవల్యప్రదాత, సదా నీవే రక్ష గురుదేవ దేవ నమస్తే నమస్తే నమస్తే నమః సదా నీ రూపమే స్మరియింతు నీ నామమే జపియింతు, నీ లీలలే వచియింతు నీ గాథలే రచియింతు, నీ మంత్రమే పఠియింతు గురుదేవ దేవ మమ దేవ దేవ నమస్తే నమస్తే నమస్తే నమః