Mangal geet | Geet Govind | Favourite geet of Jagannath Ji | Jagannath Mahaprabhu | Rath Yatra

श्रितकमलाकुचमण्डल धृतकुण्डल ए। कलितललितवनमाल जय जय देव हरे॥ दिनमणिमण्डलमण्डन भवखण्डन ए। मुनिजनमानसहंस जय जय देव हरे ॥ कालियविषधरगंजन जनरंजन ए। यदुकुलनलिनदिनेश जय जय देव हरे ॥ मधुमुरनरकविनाशन गरुडासन ए। सुरकुलकेलिनिदान जय जय देव हरे ॥ अमलकमलदललोचन भवमोचन ए। त्रिभुवनभवननिधान जय जय देव हरे ॥ जनकसुताकृतभूषण जितदूषण ए। समरशमितदशकण्ठ जय जय देव हरे ॥ अभिनवजलधरसुन्दर धृतमन्दर ए। श्रीमुखचन्द्रचकोर जय जय देव हरे ॥ तव चरणे प्रणता वयमिति भावय ए। कुरु कुशलंव प्रणतेषु जय जय देव हरे ॥ श्रीजयदेवकवेरुदितमिदं कुरुते मृदम् । मंगलमंजुलगीतं जय जय देव हरे ॥