Bishe data duhunga igihugu, turatatana - Umukobwa w’Intwari Michel Rwagasana

Mu gihe twizihiza umunsi w’Intwali z’igihugu, abazikomokaho bakomeje gutanga ubuhamya bugaragaza ko igihe ababyeyi babo bicwaga imiryango yabo yasigaraga mu itotezwa rikomeye. Nyuma y’iyicwa rya Michel Rwagasana, umuryango we usigaye wakomeje gutotezwa, maze ufata umwanzuro wo guhunga, bamwe bajya I Burundi, abandi bajya Uganda. Icyo gihe, Uwimbabazi Rose Marie, umwana rukumbi usigaye mu muryango wa Rwagasana, yari ataravuka, ahubwo umubyeyi we yahunze amutwite, akaba nawe yaramenye amakuru ya se aho amariye gukura, ubu akaba atuye ku Kimironko mu Karere ka Gasabo.