Tv Klan-Pagat e policisë, rritje të konsiderueshme brenda Korrikut. Balla: Po e diskutojmë në qeveri

Edhe pse është ende në proces diskutimi brenda qeverisë, ministri i Brendshëm, Taulant Balla zbulon se nga 1 Korriku pagat e punonjësve të policisë do të rriten sërish. “Me kryeministrin dhe ministrin e Financave po vazhdojmë të kemi një diskutim intensiv. Synojmë që në 1 Korrik të kemi një rritje të fortë të pagave”, tha Balla. Në mbledhjen e përjavshme qeveria ka miratuar dhe një plan strategjik për periudhën 6-vjeçare 2024 2030 dhe lidhet me disa aspekte të migracionit, përfshirë atë të shtetasve të huaj që hyjnë ilegalisht në territorin tonë, ë shtetasve shqiptarë që kërkojnë azil në vende të tjera, por më e rëndësishmja duket ajo që lidhet me ata që jetojnë sot në emigracion e që janë gati në shifra pothuajse njësoj me shifrat e popullatës që jeton sot në atdhe. “Synimi ynë është të rrisim ofertën për të gjithë vëllezërit e motrat tanë për t’u rikthyer në Shqipëri, për një riintegrim qoftë në tregun e punës, qoftë në shoqëri”, tha Balla. Në mbledhjen e zhvilluar këtë të enjte qeveria ka miratuar dhe ndryshimet për 4 ligje që lidhen me mbrojtjen e mjedisit, një prej të cilave ajo për ndotjen mjedisore ka parashikuar rritje të gjobave për ndotësit, individë apo biznese me afro 30%. Tv Klan SUBSCRIBE to “RTV KLAN” on YouTube for more videos! Email: [email protected] Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/