میت کے ورثاء پر لازم حقوق - Noor e Hidayat

مورث: جس شخص کی جائیداد تقسیم جاتی ہے ۔ وارث:مرنے والے کی جائیداد کے حقدار افراد ۔ ترکہ کی تعریف :۔وہ مال جس کوکوئی شخص چھوڑ جائے اس حال میں کہ اس میں غیر کا کوئی حق نہ ہو ۔ ترکہ سے ترتیب وارچارحقوق متعلق ہوتے ہیں:۔ (1)تجہیز وتکفین۔ (2)قرض کی ادائیگی ۔ (3)وصیت۔(4)شرعی ورثاء میں جائیداد کی تقسیم ۔ (1)تجہیز وتکفین:۔کفن دفن کا بندو بست کرنا ۔اس میں دو چیزوں کا خیال رکھا جائے گا ۔ 1۔تبذیر یعنی اسراف نہیں کیا جائے گا۔ 2۔تقتیر ۔یعنی بخل وکنجوسی سے کام نہیں لیا جائے گا۔ مرد کے لیے کفن مسنون مرد کے لیے کفن مسنون 3 کپڑے ہیں ۔ (۱) لفافہ (۲) اِزار (۳) قمیص۔ 1۔لفافہ( یعنی بڑی چادر)چادر کی مقدار یہ ہے کہ میّت کے قد سے اس قدر زیادہ ہو کہ دونوں طرف باندھ سکیں۔ 2۔ اِزار یعنی تہہ بند۔سر سے قدم تک یعنی لفافہ سے اتنی چھوٹی جو بندش کے ليے زیادہ تھا 3۔ قمیص جس کو کفنی کہتے ہیں گردن سے گھٹنوں کے نیچے تک اور یہ آگے اور پیچھے دونوں طرف برابر ہوں ۔ عورت کے لیے کفن مسنون عورت کے لیے کن مسنون 5 کپڑے ہیں ۔ (۱) لفافہ (۲) اِزار (۳) قمیص (۴) اوڑھنی (تین ہاتھ کا کپڑا جس کو سر سے نیچے تک لپیٹا جاتاہے)۔(۵) سینہ بند(سینہ سے رانوں تک لپٹاجائے)۔ (2)قرض کی ادائیگی : حقوق اللہ ۔ حقوق العباد (3)وصیت پوری کرنا :۔ کفن دفن اورادائیگی قرض کے بعداسکے بقیہ مال کے تہائی حصے سے اس کی وصیت پوری کی جائے گی۔وصیت کے بارے میں شرعی ضابطہ یہ ہے کہ ہروہ وصیت کہ جوکسی جائزکام کی ہوخواہ اس کاتعلق حقوق اللہ سے ہو..یا..حقوق العبادسے ،اس کاپورا کرناواجب ہوتاہے۔لیکن اگروصیت کسی ناجائزکام پرمشتمل ہے،توایسی صورت میں شریعت اس کے پورانہ کرنے کاحکم دیتی ہے گویاکہ یہ کالعدم کی مثل ہوگی۔ (4)شرعی ورثاء کے درمیان تقسیم وارثت :۔ میت کے کفن دفن ،قرض وصیت سے فارغ ہونے کے بعدبھی اگرمال بچ رہاہو،تواب اس مال کو شرعیت کے بیان کردہ اصول کے مطابق میت کے ورثاء میں تقسیم کیاجائے گا۔