ထောင် ၃၃ နှစ် ချမှတ်ခံရတဲ့ ဒေါ်အောင်ဆန်းစုကြည်နဲ့ မျက်မှောက်ပြည်တွင်းရေး - BBC News မြန်မာ

နိုင်ငံတော်သမ္မတ ဦးဝင်းမြင့် နဲ့ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တို့ကို စစ်ကောင်စီက တရားစွဲဆိုခဲ့တဲ့ ရဟတ်ယာဉ်ဝယ်ယူငှားရမ်းပြုပြင်ထိန်းသိမ်းမှုနဲ့ပတ်သက်လို့ အဂတိအမှု ၅ မှုအတွက် ဒီကနေ့ ဒီဇင်ဘာ ၃၀ ရက်မှာ နေပြည်တော်အချုပ်ထောင်တွင်းအထူးတရားရုံးက အပြီးသတ်အမိန့်ချမှတ်ခဲ့ပါတယ်။ လက်ရှိမှာ ဒေါ်အောင်ဆန်းစုကြည်အပေါ် စစ်ကောင်စီက စွပ်စွဲထားတဲ့ အမှုအားလုံးပြီးပြတ်ကုန်ဆုံးပြီဖြစ်လို့ ဒေါ်အောင်ဆန်းစုကြည်ရဲ့ အခြေအနေ ဘယ်လိုဆက်ရှိနိုင်ပါသလဲ။ ပြည်တွင်း၊ ပြည်ပဖိအားတွေကြား စစ်ကောင်စီ လုပ်ဖို့လိုတာတွေကို ၈၈ မျိုးဆက်ကျောင်းသားခေါင်းဆောင် ဦးမြအေးနဲ့ ဘီဘီစီတို့ ဆွေးနွေးတင်ဆက်မှုတွေကို ကြည့်ရှုနားဆင်ရမှာဖြစ်ပါတယ်။ အသက်၇၈ နှစ်အရွယ် လူထုခေါင်းဆောင်ဒေါ်အောင်ဆန်းစုကြည်ကို အခုလို နှစ်ရှည်ထောင်ဒဏ်တွေ ချမှတ်ထားတဲ့အပေါ် ဘီဘီစီပရိသတ်တွေရဲ့သဘောထားအမြင်နဲ့ မှတ်ချက်တွေကိုလာရောက်ရေးသားမျှဝေပေးဖို့လည်းဖိတ်ခေါ်ပါတယ်။ ဘီဘီစီမြန်မာပိုင်း