萬千星輝頒獎典禮｜楊茜堯林夏薇黑白配優雅登場 鍾柔美大個女透視裝小騷性感現女人味

萬千星輝頒獎典禮｜楊茜堯林夏薇黑白配優雅登場 鍾柔美大個女透視裝小騷性感現女人味 《萬千星輝頒獎典禮2024》1月19號晚喺澳門舉行，逾百藝員盛裝赴會參與盛事，每位都悉心打扮現身，現場亦迫滿支持偶像嘅粉絲。喺劇集《黑色月光》中對敵嘅楊茜堯同林夏薇雙雙入圍競逐「最佳女主角」，兩人以黑白配晚裝現身，顯出高貴美。 而茜堯家姐楊卓娜亦不甘示弱，身穿白色低胸裝性感壓場，偕姜大衞一同行紅地氈。薇薇一身白色戰衣係設計師以卓慧雲角色度身訂造，最開心係可以趕得切推出頸上佩戴嘅自創品牌《黑色月光》系列手飾。 楊茜堯同羅子溢呢對夫妻齊齊㨂黑色造型戰衣，不過佢哋就話互相都無過問過大家，茜堯講到子溢嘅Deep V造型時就搞笑咁話：「老公上面係得，下面我成日都提佢…」身旁嘅子溢即刻話：「講清楚啲呀！」 呢個時候高海寧即刻掩面爆笑，茜堯亦速速解畫，仲搞笑補鑊讚老公Part Part都得。 幾對螢幕情侶黎耀祥同胡定欣、羅子溢同陳自瑤、陳豪同張曦雯、蕭正楠同吳若希等都有共識地穿搭，YoYo身穿嘅低胸高衩裙，令佢完美騷出長腿同美滿身材，YoYo話一身打扮較過往特別，想行高貴優雅路線。 呢日阿蕭同太太黃翠如雖然有一齊出席頒獎典禮，但係就無一齊行紅地氈，阿蕭反而係同《奔跑吧！勇敢的女人們》入面嘅吳若希一齊現身，阿蕭話翠如因為腹大便便，所以最好咪走嚟走去，希望佢多啲休息下，阿蕭仲好sweet咁話太太呢日係特登過大海嚟支持佢呀。 而定欣一身由頭金到落腳嘅晚裝，搶鏡指數爆晒燈，耀眼全場嘅佢，將自信嘅一面表露無遺。祥仔仲講笑話要將定欣呢個「獎座」帶返屋企。而黎耀祥黑白配嘅造型，原來一半係嚟自太太嘅意見，一半就係嚟自己嘅潮流觸角，而白色煲呔上嘅少少金色元素，同胡定欣由頭金到落腳嘅晚裝，非常匹配。 今年憑《中年好聲音2》入圍競逐「最佳女主持」嘅車婉婉，以斜肩貼身長裙現身，同兩位《中聲》男神譚輝智以及周吉佩一齊踏上紅地氈，婉婉同吉吉都話特別揾專人幫佢哋挑選戰衣，而吉吉企喺高人一等嘅婉婉身邊，都特登出動高踭鞋，至於輝智就話衣著一切要以舒服為主，而佢呢身官仔骨骨嘅造型，就係經過太太親自挑選啦。 除咗一班靚女爭妍鬥麗外，聲夢小花姚焯菲同鍾柔美都突破可愛路線，以性感裝束現身，一個露肩、一個透視，相當吸引。Yumi話當初都擔心自己Carry唔到件戰衣，好彩大家嘅好評，令佢自信心都返晒嚟。 一眾《東張西望》主持人人才鼎盛，當中吳幸美、梁敏巧都一同以白色晚裝，力谷豐滿身材，成為焦點所在。而阮浩棕則艷福無邊，夾在兩位長腿女神劉穎鏇Tiffany同陳楨怡Celina中間。 #萬千星輝頒獎典禮2024 #澳門 #黑色月光 #楊茜堯 #林夏薇 #楊卓娜 #姜大衞 #黎耀祥 #胡定欣 #羅子溢 #陳自瑤 #陳豪 #張曦雯 #車婉婉 #譚輝智 #周吉佩 #姚焯菲 #鍾柔美 #東張西望 #吳幸美 #梁敏巧 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0