මං සරන්නටයි අපිටයි අලි නිසා මඟහැරුන හඳපාන් ඇල්ල | සූරියකන්ද Camping @mansaranna @NatureTravelerSL

මේ සුන්දර චාරිකාව ගැන ලිවීමට ඇති දෑ බොහෝය. ඉතිං අපේ ගමන පටන් ගන්නෙ සතියේ මැද දවසකයි. කාලගුණයත් බොහොම හොඳ වර්ශාවත් නැති ලස්සන දවසක්, ඉතිං හැමදාම වගේ ගමනේ සංවිධායකයා වෙන්න මම ම තමා. ඉතිං අද අපේ සංචාරයට එකතු වෙන විශේෂම කෙනා මං සරන්නා. මගේ ආරාධනාව පිළිගෙන අපිත් එක්ක ගමනට එකතු උනාට බොහොම ස්තූතියි. කීප වතාවක් මාත් එක්ක සංචාර කීපයකට මං සරන්නා එකතු උනා, ශ්‍රී පාදය, බත්තලංගුන්ඩුව වගේ තැන් වලට, ඉතිං ඒත් එක්ක හැමදාම වගේ මාත් එක්ක සංචාර වල යෙදෙන මගෙ videos වල නිතරම දකින්න ඉන්න අපෙ අයියා, ඒ වගේම මගෙ පරණම යාලුවා තක්ශිල, අනිත් යාලුවා චතුශ්ක ( Nature Traveler ) Youtube නාලිකාව කරගෙන යන. ඉතිං අපේ සම්පූර්ණ ගමන් සගයො 5 දෙනෙක් අද එකතු වෙනවා සංචාරයට. මුලින්ම අපි අපේ වාහනයේ රක්වාන ප්‍රදේශයෙන් හඳපාන් ඇල්ල පිහිටි ගමට එනවා, ඒ එන අතරමඟින් මං සරන්නත් අපි එක්ක එකතු වෙනවා. දෙගොල්ලම එකට එකතු වෙලා හඳපාන් ඇල්ල පාමුලට වෙන්න තියන ගමේ එක ගෙදරක අපේ වාහන නතර කරලා. පොඩි ආගිය තොරතුරු ටිකක් කතා කරගෙන හෙමිනි සීරුවේ හදපාන් ඇල්ල නඟින්න පාර දිගේ ඇවිදගෙන කැලේ පැත්තට යනවා. ඉතිං කැලේට යන්න කලින් පාරෙන් එනකොට දකින්න හම්බෙනවා පාර අයිනෙම ගේට්ටුවක්. ඒ ගේට්ටුවට උඩින් තියනවා අතෑඇරලා දාපු හොටෙල් එකක් මේ හොටෙල් එක තමා Backer In La Montagne ඉතිං මේ හොටෙල් එකෙන් උඩට ගිහින් තමා කැලේට ඇතුල් වෙන්න තියෙන්නෙ. මේ හෝටෙල් එක බලාගන්න මාමා කෙනෙක් ඉන්නවා එයාට කියලා කැලේට ඇතුල් වෙන්න පුලුවන්. තවත් දෙයක් තමා මේ හදපාන් ඇල්ල තරණය කරන්න අපි වන ජීවී එකෙන් අවසර ඇරන් ආවෙ මොකද මේක සිංහරාජ රක්ෂිතයේ කොටසක් නිසා අනවසරෙන් ඇතුල් වෙන්න බෑ. ඒකත් මතක් කරන්න ඕන. ඉතිං අපි පස් දෙනා කැලේට ඇතුල් උනෙත් ටිකක් අමාරුවෙන් ඇත්තටම මේ හදපාන් ඇල්ලට යන්න පාරක් නෑ පාර හදාගෙන යන්න ඕන. කටු පදුරු, අඩිය තියන්න බැරි ගල් ඒ වගේම ගෑවුනත් කැපෙන පැගිරි මාණ වැනි දේවල් බහුලව තියනවා මේ පරිසර කලාපෙ. ඉතිං ඒ අවදානමත් ඇරගෙන අපි ඉස්සරහටම ගියා. මදක් දුර යනකොට අපි බට දඬු කැලෑවකින් කැලේට ඇතුල් උනා. ඉතිං මෙතන ඉදන් තමා ඇල්ලට යන්න තියන පාර වැටිලා තියෙන්නෙ. කෙමෙන් කෙමෙන් ඉස්සරහට කිලෝමීටරයක් වගේ යනකොට කූඩැල්ලන්ගෙන් ප්‍රහාර එල්ල වෙන්න ගත්තා. අපි ඒත් ගමන ඇතෑඇරියෙ නෑ ඒවටත් හරියන බෙහෙත් අපි ලඟ තියාගෙනම තමා කැලේට ඇතුල් උනෙ. ඉතිං කොහොම හරි කැලෑව මැදින් යන ගමන් පළවෙනියට අපිට වතුර පාරක් හම්බුනා. මේ වතුර පාරෙදි තමා අපේ ගමන සම්පූර්ණයෙන්ම වෙනස් උනේ. වතුර පාරෙන් වම් පැත්තට ආනතව අපි ගමන් කරා. අපි යන ගමන් මාර්ගයෙ Map එක භාවිතා කරගෙන Pins තියාගෙන ගියෙ, යන අතර මඟ තේ වත්තක් මැදට අපි වැටුනා. ඉතිං ඒ තේ වත්තත් පහු කරන් ආපහු කැලෑවට අවතීර්ණ උන අපි කැලෑ කුට්ටිය කඩාගෙන ඇතුල් උනා. මඳක් දුර යනකොට එක් පැත්තකින් ගස් වල අතු බිඳින ශබ්දයක් ඇසුනා. මමයි තක්ශිලයි ඒ වන විට කැලේ උඩට සෑහෙන්න ඇවිත් හිටියෙ මං සරන්නා එක්ක අනිත් කට්ටිය පහලින් එන ගමන්. කැලෑවට ඇතුල් වෙන්න පෙරත් හඳපාන් ඇල්ල ප්‍රදේශයේ තනි අලියෙක් ගැවසෙනවා කියා ගම්මුන් පැවසුවා. යන ගමන අවධානම් නිසා අපි ආපහු හැරෙන්න තීරණය කරා. මක් නිසාද අපට කැලේ ඇතුලෙද මූණට මූණ අලියා ගැටුනොත් කරදරයක් වෙයි කියන හේතුවෙන් නැවතත් අපි පහලට කැලෑකුට්ටිය මැදින් එන්න උනා. ඉතිං කොහොම හරි පහල තේ වතු යායට එන විට හවස 5ට ආසන්නයි. ඉතිං හදපාන් ඇල්ල ගමන අපි යන එක අවදානම් නිසා. අපිට Night Camp කරන්න තැනක් හොයන්න උනා. ඒ වෙලේ අපිට යන්න තිබ්බ එකම පැත්ත වංගු දහය හරහා සූරියකන්දට. ඉතිං අපි පස් දෙනාම හදපාන් ඇල්ල ගමන නතර කරලා. සූරියකන්දට යන්න තීරණය කරා. ඉතිං එතනින් එහාට සම්පූර්ණ video එකේ සූරියකන්දට යන රූප රාමු ඔයාලට බලාගන්න පුලුවන්. Video එකේ අදහස් , යෝජනා , චෝදනා comment එකක් දාගෙන යන්න. ❤️🍃 ස්භාදහමට ආදරෙන් යන ගමනක් ❤️🍃 මම Unbound Traveler ( Sadeepa Dilshan ) #ManSaranna #ShiftSuriyakanda #Suriyakanda #NightCamping #SriLankaCamping #SriLankaTravel #AdventureSriLanka #ElephantEncounter #WildlifeSriLanka #HikingSriLanka #NatureLovers #TravelVlog #UnboundTraveler #CampingLife #ExploreSriLanka #HiddenWaterfalls #ViralSriLanka #TrendingNow #TravelAddict #WildCamping #OffGridLife #ForestAdventure #ExtremeCamping #යාලුවොත්එක්කගමන Subscribe Me ♥️ Click the bell icon 🔔 Like 👍 Comment 🏷 More videos are coming soon Social Media Profile FB   / 173xfxzckk   Instagram https://www.instagram.com/unbound__tr... TikTok https://www.tiktok.com/@unbound.trave...