"သမုဒယ နွယ်ကြိုး " ‌စာရေးသူ -‌ စိုးမိုး(အညာမြေ) / LH စာစဉ် အတွဲ (၃၃)

စာအုပ်အသစ်၊ စာရေးသူ အသစ်တွေ လာမေးတဲ့ စာဖတ်သူတွေအတွက် ကျနော်တို့ Listener's Heaven ရဲ့ LH စာစဉ် အတွဲ (၃၃) မှ စာရေးသူ - "စိုးမိုး(အညာမြေ)" ရဲ့ "သမုဒယ နွယ်ကြိုး " ဆိုတဲ့စာမူပဲဖြစ်ပါတယ် "သမုဒယ နွယ်ကြိုး " စာရေးသူ - စိုးမိုး(အညာမြေ) စာဖတ်သူ - နန်းသိင်္ဂီ ကြာချိန် - ၁ နာရီ ၃၉ မိနစ် : ၂၀ စက္ကန့် “မငိုစမ်းပါနဲ့ဟာ၊ မငိုစမ်းပါနဲ့...၊ လောကမှာ နင်လည်းသေမှာ ငါလည်းသေရတော့မှာ၊ အဲဒါကြောင့် ငါမရှိလို့မဖြစ်ဘူး၊ နင်မရှိလို့မဖြစ်ဘူးဆိုတာတွေကို ဖယ်ထုတ်လိုက်၊ လူတွေဆိုတာ နွယ်ပင်တွေမဟုတ်ဘူး၊ ဘယ့်သူ့ ဘယ့်သူ့အပေါ်မှ မှီခို မကပ်တွယ်ရဘူး၊ သွားဟာ... ငါ့အနားမလာနဲ့၊ ဝေးဝေးသွားနေ......” ကိုလှဖေသည် ဒေါ်မိုးကို မျက်နှာလွှဲထားရင်း အိပ်ရာထဲမှ ဗလုံးဗထွေး ပြောနေခြင်းဖြစ်သည်။ သွေးဝမ်းရောဂါဖြင့် နောက်ဆုံးအချိန်ရောက်နေပြီဖြစ်သော ကိုလှဖေအတွက် ကျသောမျက်ရည်ပူတွေသည် ကိုလှဖေကို ကူးစက်ကုန်လေ၏။ “ကျုပ်လည်း ဘယ်ငိုချင်ပါမလဲတော်၊ ကတည်း... မျက်ရည်ကကျကျလာတာ၊ ထိန်းမှမထိန်းနိုင်ဘဲ ကိုး” “မမိုး.... နင်တို့ ငါတို့ဟာ ရှည်လျားတဲ့ သံသရာကြီးထဲမှာ နင်ချစ်တဲ့လူတွေသေလို့ အများကြီးငိုခဲ့ပြီး ပြီ၊ နင် အခုလိုပဲ ကျနေတဲ့မျက်ရည်ေတွဟာ ပင်လယ် သမုဒ္ဒရာထက်မက များခဲ့ပြီ၊ မျက်ရည်ဆိုတာ ပူပင်သောကပဲ မမိုး...၊ နင်မငိုနဲ့ တော့ဟာ... ငါမရှိတော့ရင်လည်း မငိုနဲ့တော့” “အင်းပါတော်... အင်းပါ... အင်းပါ” ကိုလှဖေသည် လက်သမားအတတ်ပညာလေးဖြင့် မယားဖြစ်သူ မမိုးနှင့် သားနှစ်ယောက်ကို ဝမ်းဝခါးလှအောင် မညည်းမညူလုပ်ကျွေးရင်း တဖက်မှ အားရင်အားသလို စာပေဖတ်ခြင်း၊ တရားနာခြင်း၊ ဥပုသ်သီလစောင့်တည်ခြင်းတွေ ပြုလုပ်တတ်တော့ ကိုလှဖေသည် ငြိမ်းချမ်းသော ချမ်းသာသောဘဝကို ရခဲ့လေသည်။ ထို့ကြောင့် သူနှင့်အနေနီးသော ဒေါ်မိုးကိုလည်း နှမ်းစေ့စာပဲရရ ဆီးသီးလောက်ပဲတင်တင် အချိန်ရရင်ရသလို တရား ရေအေးတိုက်ကျွေးတတ်သည်။ သို့သော် ဒေါ်မိုးသည် ပါရမီနည်းလှသည် ထင်ပါသည်။ ကိုလှဖေရဲ့ တရားရေအေးတို့ကို ဘယ် ဘက်နားမှဝင်ပြီး ညာဘက်နားမှ ပြန်ထွက်လေသည်။ ကိုလှဖေသည် သူတော်ကောင်းတရားကို ကျင့်ကြံသေလာက် ဒေါ်မိုးကတော့ ပုထုစဉ်ပီပီ မဟုတ်မခံစိတ်ရှိသူ ဖြစ် သည်။ အာပေါင်အာရင်းသန်ပြီး ထွေရာလေးပါး ပြောဆိုတတ်သည်။ စာစဉ်ဖတ်ရန် နှိပ်ပါ - https://online.fliphtml5.com/zlxdu/ywhk/ *ယခုအသံ file များကို ကြော်ငြာမပါဘဲ Mp3 နဲ့ ရယူချင်ပါက အဖွဲ့ဝင်ပြီး ရယူနိုင်ပါတယ်။ *အဖွဲ့ဝင်လိုပါက ဖော်ပြပါ Link ထဲရှိ Messenger (သို့မဟုတ်) Viber မှတဆင့် စာပို့ဆက်သွယ်နိုင်ပါတယ်။ 🔰 https://fliphtml5.com/site/13979096/i...