افراح ال شافي / فايز عبدالله ال شافي كلمات ناصرب ن مجحود

يامواجد قدموني فالمواقف وازهلوني الله الله ذا مقامي فاللزوم وذا مكاني وان فقدت شعوري الليله مع اللعب اعذروني يطرب الرزقي لصوت العامري فـ الشولاني —— على الموتر اللي فل ممتاز شد بلاد ونيتٍ لابن عمي وكنه ونيتٍ لي سنيني وانا وياه فالصنع والميلاد هو الموتر الطيب وانا طيبٍ كلي سريت وهواجيسي هواها على المعتاد لمني ركبت الجمس وان جيت باصلي ولامن سريت الليل وارهيت بالمهجاد ماغبط الامير اللي على الحكم متعلي وانا الشاعر المقصود ماهوب انا القصاد انا اللي يهابون الشواعير من ظلي عشقت الهنوف الفاتنه من غلا وعناد وطوعت بنت الريح ملي على ملي — عدد منشا الخيال المجهم اللي ساقه الرحمن من القبله محاديره مراتع كل منتوبه يعومس راعي الطير وتباشر به هل الذيدان بعد ماتنقشع دهم الخيال تزبر نصوبه سلام الله على اهل المحفل وحيالله الضيفان الا يامرحبا ترحيبةٍ بالطيب مصحوبه شببكم فـ اشقر الفنجال قبل الحيل والحشوان وريح العود الازرق فالمباخر يوم داروبه انا في جوده اطرف ديرةٍ في وادي العجمان وكني في الكويت الله يبارك ماسعيتوبه — يـ ال شافي والله انكم منبع الطيب المصفا صيتكم ماله حدود ومجدكم ماهوب توه كفو من عاد الطيور تحوم والذيب يتحفا تجعلون الشيخ جثمان وحصان الشيخ جوه بيض الله وجه فايز صاحبي كفا ووفا ويش اقول وويش اخلي رفقه وخوه واخوه دون فايز والله اني مسرج الطوع المعفا ماكل لسان الخروف وملجم لسان المفوه والخيال اللي من العام يتلاحق ويتلفا الشمال اخيل برقه والجنوب اشوف نوه نوبةٍ اقول ماكفا ونوب اقول كفا كلما شفت الثرى وجهه من الماطر مشوه لابغيت اسري ماقلت اسكب لي الشاهي المدفا كان ماعينت لي براد كايف قلت سوه والله ان اصل مرادي والعيون اللي تشفا في عجبها والله اني لانطح القوه بقوه علموا فايز تراني في لزومه ماتخفا ينهض حجاجه ويلقى وجه ابن مجحود توه