Dr. H Iskandar, M.Hum dosen IAIN SAS BABEL "MATI PUCOK" bersama Atok Kulop dan Cucuya.

HIKAYAT : "MATI PUCOK" --- "Barang" dak idup disebut Mati Pucok Macem tu kate Urang Bangka, lah cucok Itulah tema yang diangkat cucu Atok Kulop Melalui video singkat, moga ikak dak langok --- Boss Munir dikeruce bini, sebab Mati Pucok Pagi-pagi die besiul, lah cem kek berok Ngageh "barang" e yang kecit rada bengkok Dak idup-idup bikin kacau, dak pacak nirok --- Urang pinter diambik, tapi salah tunjok Mesege nyuroh anak buah yang rada pekok Akhir e pakai Dukun kek ngubat Mati Pucok Dijampik dukun, barang e lah pacak nunjok --- Tapi ada panteng, jangan ngerpec pucok Apalagi dimakan, pasti barang e burok Seumor idup dak pacak pakai, pasti ancok Itulah kate Dukun yang kayak urang mabok --- Tapi ape boleh buat, bini Munir lah takok Pulang dari pasar, langsung ngerpec pucok Jadi, "Barang" Boss Munir kembali bengkok Mun macem ne cerita e, Munir pasti ancok --- Ne cerita ingel-ingel jen ikak serius igak aok Ade ge kek ditonton kek gawi di ulok-ulok Daripada bengong dak ape lah kek ditingok Muat ketabe suwat sambil nyemil lempok --- (Sambil nyemil lempok, 19/09/2019)