अहिले होइन भने कहिल्यै होइन, गोर्खाल्याण्ड नै एकमात्र समाधान पहाडको गोर्खा जागौ:अधिवक्ता बन्दना राई

‘अहिले होइन भने कहिल्यै होइन, गोर्खाल्याण्ड नै एकमात्र समाधान’ – अधिवक्ता बन्दना राई दार्जिलिङ, १९ जुनः पश्चिम बङ्गालका राज्यपाल R. N. Ravi ले विधानसभाको बजेट अधिवेशनलाई सम्बोधन गर्दै “गोर्खाल्याण्ड समस्याको स्थायी राजनीतिक समाधानका लागि सबै सरोकारवालासँग वार्ता गरिने” घोषणा गरेपछि पहाडको राजनीतिक वृत्तमा नयाँ बहस सुरु भएको छ। राज्यपालले सरकार गोर्खाल्याण्डसम्बन्धी दीर्घकालीन समस्याको स्थायी राजनीतिक समाधान खोज्न प्रतिबद्ध रहेको बताएका छन्। यसै सन्दर्भमा प्रतिक्रिया दिँदै अधिवक्ता बन्दना राईले प्रस्तावित गोर्खाल्याण्डका जनताको माग स्पष्ट रहेको बताएकी छन्। उनले भनिन्, “हामीलाई केवल एउटा कुरा चाहिएको छ—पश्चिम बङ्गालबाट अलग,न छुट्टै गोर्खाल्याण्ड राज्य। स्थायी राजनीतिक समाधानको नाममा गोर्खाल्याण्डबाहेक अन्य कुनै व्यवस्था स्वीकार्य हुँदैन।” उनले थप भनिन्, “यदि आज होइन भने भोलि कहिल्यै हुँदैन। सही समय अहिले हो, सही स्थान यही हो। हामी सबै गोर्खाहरू एकबद्ध भएर हाम्रो एउटै एजेन्डा—अलग गोर्खाल्याण्ड राज्य—का लागि उभिनुपर्छ।” राज्यपालको वक्तव्यलाई लिएर विभिन्न राजनीतिक दल तथा सामाजिक सङ्गठनहरूले आ-आफ्नो धारणा सार्वजनिक गरिरहेका बेला गोर्खाल्याण्ड समर्थक पक्षहरूले भने स्थायी राजनीतिक समाधानको अर्थ छुट्टै राज्य गठन नै हुनुपर्नेमा जोड दिएका छन्। #Gorkhaland #GorkhalandNow #Gorkhas