AMADEA STEFA, Ambasadore paqe dhe founder of TaoMeditation Albania - Podcast by Xhulio Radi

Amadea Stefa është një nga ato figura frymëzuese që të fton të ndalesh, të marrësh frymë dhe të kujtosh se brenda nesh gjendet fuqia e shërimit. E diplomuar në edukim social dhe të rritur, me një rrugëtim të gjatë akademik e profesional në Austri dhe Gjermani, ajo sot njihet si mentor për zhvillim personal, mësuese Tao dhe Ambasadore e Paqes. Si themeluese e TaoMeditation Albania, Amadea ka sjellë në vendin tonë një qasje unike ndaj meditimit dhe balancimit emocional, duke ndërthurur praktikat e lashta lindore me nevojat e përditshme të njeriut modern. Përmes seminareve, trajnimeve dhe aktiviteteve të shumta, ajo udhëzon njerëzit drejt qetësisë së brendshme dhe rigjenerimit shpirtëror. Roli i saj shkon përtej kufijve shqiptarë. Në SHBA, Amadea shërben si Certified Master Teacher dhe Healer në Tao Academy, si dhe Drejtore e Marrëdhënieve me Publikun në Sha Research Foundation. Përvoja e saj përfshin teknika të avancuara si Tao Calligraphy, Tao Singing & Dancing, si dhe praktika të shërimit përmes artit dhe energjisë. Në podcastin by Xhulio Radi, Amadea ndau mesazhin e saj se “medikamentet janë të përkohshme, ndërsa shërimi i shpirtit është i përhershëm”, duke theksuar rëndësinë e kujdesit të brendshëm dhe fuqisë që secili ka për të rigjetur ekuilibrin e jetës.