Claire Castro, may hamon kay Robin Padilla

Hinamon ni Palace Press Officer Usec. Claire Castro si Senador Robin Padilla na ipaliwanag nito ang pahayag niya na “bayan ay ibiningit sa kawalan.” “Pakitanong na lang po anong ibig niyang sabihin na ‘Ang bayan ay ibingit na natin sa kawalan.’ Hindi po natin matanggap ang ganitong napaka-general na statement niya… Pag pinaliwanag niya po ito, sasagutin ko po siya,” saad niya sa press briefing nitong Lunes, July 6, 2026. Inungkat din ni Castro ang nagdaang isyu ni Padilla sa Senado matapos nitong sabihan siyang “balat-sbuyas” dahil sa naging trato sa kanya ng ilang nagproprotesta sa Canada. “Hindi po tayo balat-sibuyas. Hindi po tayo umaalma katulad nung ibang ginagawa na tinaasan lang ng boses dahil sa kanyang pagsisingit or pag-interrupt sa pagsasalita ng isang senador ay biglang umalma na at medyo nag-alboroto. ‘Yan po ang totoong balat-sibuyas,” dagdag niya.