"Үздік ата-ана комитеті” марафон-байқауының ІІІ кезеңі 6 "И” сыныбы

"Үздік ата-аналар комитеті – 2026" байқауы аясында мектебімізде 3-кезең – "Бірге тәрбиелейік" тақырыбымен сынып сағаты ұйымдастырылды. Осы кезең шеңберінде сыныбымызда "Лудомания – болашаққа қауіп" тақырыбында мазмұнды, тәрбиелік мәні зор сынып сағаты өткізілді. Сынып сағатын ұйымдастырып, жоғары деңгейде өткізуге атсалысқан сыныбымыздың ата-анасы Муратхан Айнагүлге шынайы алғысымызды білдіреміз. Іс-шара барысында оқушыларға лудоманияның зияны, оның жеке тұлғаға, отбасыға және қоғамға тигізер кері әсері туралы кеңінен түсіндірілді. Оқушылар өз ойларын ортаға салып, пікір алмасып, маңызды ақпараттар алды. Бала тәрбиесінде мектеп пен ата-ананың бірлескен жұмысы – болашақтың кепілі. Осындай тағылымды шаралар жас ұрпақтың саналы, жауапты тұлға болып қалыптасуына үлкен ықпал етеді.