RADIODOKUMENTAR KUR MUZIKA FLET E MENDIMI BEHET TINGULL RAFET RUDI NGA AFERDITA RUSHITI

RADIODOKUMENTAR- 'KUR MUZIKA FLET E MENDIMI BEHET TINGULL- RAFET RUDI' NGA AFERDITA RUSHITI Për të qenë e sukses’shme, vepra duhet të komunikojë me publikun, kryesisht në planin emotiv. Elementet tjera sic janë, profesionalizmi, porosia estetike, intelektuale etj mund të jenë shumë të mira, por, po nuk komunikoi vepra me publikun, atëherë është e kotë. Kjo do të thotë se elementi emotiv është bazë e indit të veprës që e lidh me gjymtyrët tjera, sic janë ekzekutimi, kreativiteti, preformanca e deri tek konsumuesi I muzikës. Është kjo domethënia e fjalive që i kisha dëgjuar disa herë të thuhen nga një krijues I veprave të shumta orkestrale, veprave solistike kamertale, veprave vokalo instrumentale, veprave korale, por edhe atyre të solokëndimit, muzikës për teatër e film, një kompozitori, dirigjenti e edhe mendimtari të shprehur në fushën e publicistikës dhe filozofisë së muzikës. Është pra ky, Rafet Rudi një emër i njohur në historinë e muzikës klasike shqiptare.