Jizzaxda g‘alla o‘rim-yig‘imi qizg‘in pallaga kirdi

Joriy yilda Jizzax viloyatida jami 180,4 ming gektar maydonda g‘alla yetishtirildi. Shundan 80,4 ming gektar maydon sug‘oriladigan yerlar, 100 ming gektar maydon esa lalmi yerlar hisobiga to‘g‘ri keladi. Ayni paytda hududlarda mo‘l hosilni nes-nobud qilmasdan, qisqa muddatlarda yig‘ib olish maqsadida g‘alla o‘rim-yig‘imi ishlari uyushqoqlik bilan olib borilmoqda. Dehqon va fermerlarning fidokorona mehnati bilan yetishtirilgan sariq oltinni yig‘ib-terib olish jarayonida zamonaviy texnika va mexanizmlardan samarali foydalanilmoqda. Jizzax viloyati hokimi Ulug‘bek Mustafoyev rahbarligida o‘rim-yig‘im mavsumini sifatli tashkil etish, hosilni yo‘qotishlarsiz qabul punktlariga yetkazish hamda mavsumni qisqa muddatlarda yakunlash yuzasidan zarur chora-tadbirlar amalga oshirilmoqda.