炎明熹分享三人合唱小故事 跟曾比特雲歌會趣事多

啱啱播出《聲生不息》第十集中，其中一幕 #炎明熹 #糖妹 #安崎 三人合唱嘅《我的驕傲》版本，令人印象難忘，其網上點擊強勁，連原唱 #容祖兒 及糖妹好友 #黃宗澤 #周柏豪 都轉載給讚。 Gigi呢日接受我哋網上專訪，得知三人合唱版本極受歡迎都非常震驚，佢都非常鍾意呢個充滿新鮮感嘅組合，原來佢哋係收到通知唱呢首歌後，一齊漏夜夾歌，然後再喺舞台綵排幾次，好開心可以令大家鍾意。 Gigi同 #曾比特 喺《聲生不息》舞台從未合作過，反而最近喺另一個慶祝香港回歸祖國25周年雲歌會就合唱 #羅文 #甄妮 嘅經典歌曲《世間始終你好》。兩人首次合作，Gigi話阿Mike搞笑得嚟好認真，記得喺錄音室時，阿Mike扮監製喺外面聽佢唱，然後就話口型可以跨張啲，跟住就做出跨張嘴唇動作，令Gigi忍唔住笑。另外，Gigi講番今次能夠參與回歸騷都感覺好榮幸，希望可以帶到力量畀大家。 #聲生不息 #我的驕傲三人合唱版 #炎明熹 #糖妹 #安崎 #曾比特 即刻Follow TVB娛樂新聞台Facebook專頁   / tvbenews   登入myTV SUPER享受睇TVB自製節目7日免費點播 https://bit.ly/2TXLlM0